पुणे : २६,२७ फेब्रुवारी रोजी 'इंडिया इंटरनॅशनल डान्स फेस्टिव्हल'

इन्फोसिस फाऊंडेशन आणि भारतीय विद्या भवन तर्फे आयोजन 

पुणे : इन्फोसिस फाऊंडेशन आणि भारतीय विद्या भवनच्या सांस्कृतिक प्रसार कार्यक्रमांतर्गत दोन दिवसीय 'इंडिया इंटरनॅशनल डान्स फेस्टिव्हल'चे आयोजन २६,२७ फेब्रुवारी रोजी करण्यात आले आहे. २६ रोजी सकाळी १० ते दुपारी १ आणि २७ रोजी सायंकाळी ६ वाजता या फेस्टिव्हलमधील नृत्य सादरीकरणे  सरदार नातू सभागृह (भारतीय विद्या भवन,सेनापती बापट रस्ता ) येथे होतील. 

फेस्टिव्हल चे उदघाटन नृत्य गुरु शांभवी दांडेकर यांच्या उपस्थितीत होईल.२६ रोजी अथर्व चौधरी,मधुस्मिता पॉल,के.कीर्थना(भरतनाट्यम),सानिका देवधर ,मानसी भागवत (कथक),साई बक्षी,अन्वेष मोहंती(ओडिसी),युक्ता जोशी,अभिषेक धावडे  तसेच ऋचा चितळे(कथक पाठशाला),अवनी भाटवडेकर(नृत्यावली फाउंडेशन),गायत्री काळे (कल्याणी काणे आणि अंतर्नाद यांची शिष्या )या विशेष कलाकारांचे  नृत्य सादरीकरण आयोजित करण्यात आले आहे. 

२७ फेब्रुवारी रोजी अनेक संस्था आणि कलाकार सादरीकरणे करणार आहेत. त्यात  नादब्रह्म नृत्यालय,मुद्रा सेंटर ऑफ परफॉर्मिंग आर्टस् ,नृत्यशाला ऍकेडमी ऑफ फाईन आर्टस् ,सायली काणे,इशा ,वैष्णवी(भरतनाट्यम),अक्रम डान्सकंपनी  ,कंटेम्परी अँड नीलिमा प्रॉडक्शन्स ,ज्योती मनसुखानी(कथक) यांचा समावेश आहे.  

 

 हा महोत्सव सर्वांसाठी  विनामूल्य आहे.भारतीय विद्या भवन चे मानद सचिव नंदकुमार काकिर्डे यांनी पत्रकाद्वारे ही माहिती दिली.