फिरण्यासाठी दुचाकी चोरणाऱ्या आरोपीला अटक

भारती विद्यापीठ पोलीस ठाण्याची यशस्वी कामगिरी

पुणे (प्रतिनिधी): पुणे शहर पोलिसांच्या भारती विद्यापीठ पोलीस ठाण्याने 'फिरण्यासाठी' दुचाकी चोरणाऱ्या एका आरोपीला अटक करून त्याच्याकडून दोन चोरीच्या दुचाकी जप्त केल्या आहेत. या कारवाईमुळे भारती विद्यापीठ आणि बावधान पोलीस ठाण्यात दाखल असलेले दोन गुन्हे उघडकीस आले आहेत.

पोलिसांनी दिलेल्या माहितीनुसार, वरिष्ठ पोलीस निरीक्षक राहुलकुमार खिलारे यांनी वाहन चोरांचा शोध घेण्याचे आदेश दिले होते. त्यानुसार, पोलीस उप-निरीक्षक निलेश मोकाशी आणि त्यांच्या पथकातील मितेश चोरमोले, अभिनय चौधरी, आणि सागर बोरगे हे तपास करत असताना त्यांना आरोपी मोहन दिपक विश्वकर्मा (वय २५) हा भारती विद्यापीठ पोलीस ठाण्यातून चोरी झालेल्या एका दुचाकीसह आढळून आला. पोलिसांनी त्याला ताब्यात घेऊन चौकशी केली असता, त्याच्याकडून बावधान पोलीस ठाण्यातून चोरी झालेली आणखी एक दुचाकी जप्त करण्यात आली.

आरोपी मोहन विश्वकर्मा याला भारती विद्यापीठ पोलीस स्टेशन गुन्हा रजि नंबर ३७०/२०२५ आणि बावधान पोलीस स्टेशन गुन्हा रजि नंबर ३५३/२०२५ या प्रकरणी अटक करण्यात आली आहे. त्याच्याकडून होंडा कंपनीच्या दोन दुचाकी गाड्या जप्त करण्यात आल्या आहेत, ज्याचे क्रमांक अनुक्रमे MH-14/GV/0315 आणि MH-45/V/5049 आहेत.

ही कारवाई भारती विद्यापीठ पोलीस स्टेशनचे वरिष्ठ निरीक्षक राहुल खिलारे आणि निरीक्षक जितेंद्र कदम यांच्या सूचनेनुसार करण्यात आली. या पथकात निलेश मोकाशी, मितेश चोरमोले, अभिनय चौधरी, सागर बोरगे, सचिन सरपाले, महेश बारवकर, मंगेश पवार, मंगेश गायकवाड, निलेश खैरमोडे, किरण साबळे, तुकाराम सुतार आणि संदीप आगळे यांचा समावेश होता.