मोहननगरमध्ये वारंवार वीजपुरवठा खंडित; 'नागरी हक्क कृती समिती'ने केला गलथान कारभाराचा निषेध

नागरिकांच्या वतीने महावितरणकडे निवेदन सादर

लघुदाब वाहिनी बदलणे आणि कर्मचाऱ्यांची संख्या वाढवण्याची मागणी

महावितरणने दिले समस्या सोडवण्याचे आश्वासन

पिंपरी, (प्रतिनिधी): मोहननगर परिसरात वारंवार होणाऱ्या वीजपुरवठा खंडित झाल्यामुळे त्रस्त झालेल्या नागरिकांच्या वतीने 'नागरी हक्क कृती समिती'ने आज महावितरणच्या भोसरी विभागीय कार्यालयात निवेदन दिले. महावितरणच्या 'नियोजनशून्य आणि भोंगळ कारभारा'बद्दल या समितीने तीव्र नाराजी व्यक्त केली.

सामाजिक कार्यकर्ते मारुती भापकर, संजय जगताप, माधव निर्लेकर आणि महेश पंडित यांनी उपअभियंता एस.एस. शिरसागर यांना निवेदन सादर केले. निवेदनात मोहननगरमधील लघुदाब वाहिनी (L.T. line) आणि लाल फीडर बॉक्स बदलण्याची, ट्रान्सफॉर्मरवरील भार कमी करण्यासाठी तज्ज्ञांमार्फत उपाययोजना करण्याची आणि ट्रान्सफॉर्मरच्या जागेतील झाडे-झुडपे काढण्याची मागणी करण्यात आली आहे. तसेच, कर्मचाऱ्यांची आणि शिडी गाडीची संख्या वाढवण्याचीही मागणी करण्यात आली आहे.

निवेदनानंतर उपअभियंता शिरसागर आणि कार्यकारी अभियंता अतुल देवकर यांनी लवकरच यासंदर्भात बैठक घेऊन सर्व समस्यांचे निराकरण केले जाईल, असे आश्वासन दिले आहे.