आयएसबीअँडएम पुणे येथे “उत्कृष्ट दर्जाचे संशोधन” विषयावर आंतरराष्ट्रीय एफडीपीचे आयोजन

संशोधन संस्कृती विकसित करणे हा कार्यक्रमाचा उद्देश – डॉ. अरुण जोशी

आंतरराष्ट्रीय प्राध्यापकांनी संशोधकांना केले मार्गदर्शन

चार दिवसीय कार्यक्रमात ६५ हून अधिक संशोधकांचा सहभाग

पुणे, (प्रतिनिधी): पुणे येथील इंटरनॅशनल स्कूल ऑफ बिझनेस अँड मीडिया (ISB&M) मध्ये "उत्कृष्ट दर्जाचे संशोधन डिझाईनिंग व पब्लिशिंग" या विषयावर आंतरराष्ट्रीय फॅकल्टी डेव्हलपमेंट प्रोग्रॅम (FDP) 2025 चे आयोजन करण्यात आले होते. संस्थेचे संस्थापक-अध्यक्ष डॉ. प्रमोद कुमार आणि डॉ. अरुण जोशी यांच्या सहकार्याने आयोजित केलेल्या या चार दिवसीय 'हायब्रीड' कार्यक्रमात ६५ हून अधिक संशोधकांनी सहभाग घेतला.

या कार्यक्रमात साउथॅम्प्टन बिझनेस स्कूल, यूके येथील डॉ. मीना बेईगी आणि बार्कलेज इंडियाचे डॉ. प्रवीण कुमार यांच्यासह अनेक आंतरराष्ट्रीय प्राध्यापकांनी मार्गदर्शन केले. त्यांनी संशोधन पद्धतीशास्त्र, डेटा अ‍ॅनॅलिटिक्स, Smart PLS, SPSS, बिब्लियोमेट्रिक्स आणि मेटा-अ‍ॅनॅलिसिस यांसारख्या विषयांवर मार्गदर्शन केले.

एफडीपीचा उद्देश “जिज्ञासा-केंद्री संशोधन संस्कृती विकसित करणे” हा असल्याचे डॉ. अरुण जोशी यांनी सांगितले. तर, डॉ. प्रमोद कुमार यांच्या मते, हे एफडीपी दूरदृष्टीपूर्ण नेतृत्व आणि शैक्षणिक उत्कृष्टतेद्वारे जागतिक व्यावसायिक नेते घडवण्याच्या संस्थेच्या ध्येयाचे प्रतीक आहे.