अमेरिकेतील ट्रायकलर मोटरस्पोर्ट्सचा इंडियन सुपरक्रॉस रेसिंग लीगमध्ये प्रवेश

प्रदीप लाला यांच्या नेतृत्वाखाली भारतात मोटरस्पोर्ट्सला चालना

ISRL च्या दुसऱ्या सीझनसाठी नवीन फ्रेंचायझी संघ म्हणून सहभाग

मुंबई, (प्रतिनिधी): इंडियन सुपरक्रॉस रेसिंग लीगच्या (ISRL) दुसऱ्या सीझनसाठी अमेरिकेतील 'ट्रायकलर मोटरस्पोर्ट्स' या नवीन फ्रेंचायझी संघाने प्रवेश केला आहे. एका आघाडीच्या व्यावसायिक समूहाच्या पाठिंब्याने आणि उद्योगातील अनुभवी प्रदीप लाला यांच्या नेतृत्वाखाली, ट्रायकलर मोटरस्पोर्ट्स भारतात पूर्णवेळ मोटरस्पोर्ट्स विभाग तयार करण्याचे उद्दिष्ट ठेवत आहे.

या सहभागामुळे भारताच्या मोटरस्पोर्ट्स क्षमतेवरील वाढता जागतिक विश्वास दिसून येतो, ज्यामुळे देशातील या खेळाच्या वाढीला गती मिळेल. ट्रायकलर मोटरस्पोर्ट्सचे सह-मालक आणि सीईओ प्रदीप लाला यांनी सांगितले की, ISRL हे मोटरस्पोर्ट्स, मनोरंजन आणि ब्रँड एंगेजमेंटचे मिश्रण असल्याने नवीन युगातील प्रेक्षकांसाठी एक नवीन लीग आहे.

इंडियन सुपरक्रॉस रेसिंग लीगचे व्यवस्थापकीय संचालक वीर पटेल यांनी ट्रायकलर मोटरस्पोर्ट्सचे स्वागत करताना म्हटले की, हा प्रवेश लीगचा जागतिक स्तरावर विस्तार करण्यासाठी एक महत्त्वाचा टप्पा आहे. बॉलिवूड स्टार सलमान खान हा या लीगचा अधिकृत ब्रँड ॲम्बेसेडर आणि गुंतवणूकदार आहे.

ट्रायकलर मोटरस्पोर्ट्स हा संघ सीझन २ मध्ये पदार्पण करेल आणि त्यांची पहिली शर्यत २५-२६ ऑक्टोबर २०२५ रोजी होणार आहे.