नॉव्हेल इंटरनॅशनल स्कूलमध्ये भक्तिमय पालखी सोहळा

 

संस्थेचे संस्थापक अध्यक्ष आ. अमित गोरखे यांची प्रमुख उपस्थिती; वारकरी परंपरेचे जतन

पुणे, ९ जुलै (प्रतिनिधी): नॉव्हेल इंटरनॅशनल स्कूलमध्ये नुकत्याच आयोजित करण्यात आलेल्या पालखी सोहळ्यात विद्यार्थ्यांनी मोठ्या भक्तिभावाने सहभाग घेतला. स्कूलच्या विद्यार्थ्यांनी भारतीय संत परंपरेचे दर्शन घडवत, श्री विठ्ठल-रुक्मिणी पालखीचे (Shri Vitthal Rukmini Palkhi) अतिशय उत्साहात आयोजन केले होते.

या भक्तिमय सोहळ्याची सुरुवात मुख्याध्यापिका सौ. मृदुला गायकवाड यांच्या हस्ते श्री विठ्ठल-रुक्मिणी प्रतिमेच्या पूजनाने झाली. या प्रसंगी नॉव्हेल संस्थेचे संस्थापक अध्यक्ष, माननीय आमदार श्री. अमित गोरखे, कार्यकारी संचालक श्री. विलास जेऊरकर, शाळेच्या व्यवस्थापक डॉ. प्रिया गोरखे आणि तांत्रिक विभाग प्रमुख श्री. समीर जेऊरकर यांची प्रमुख उपस्थिती होती.

विद्यार्थ्यांनी वारकरी परंपरेनुसार विठ्ठल-रुक्मिणीचा जयघोष करत, भजनांच्या तालावर ठेका धरला. या सोहळ्यामुळे विद्यार्थ्यांमध्ये सांस्कृतिक आणि धार्मिक मूल्यांची रुजवात होण्यास मदत झाल्याचे दिसून आले.