आता २५ जून 'संविधान हत्या दिन'; अमित शाह यांनी ट्विट करून दिली माहिती

नवी दिल्ली : केंद्र सरकारने २५ जून हा दिवस 'संविधान हत्या दिन' म्हणून घोषित केला आहे आणि यासंदर्भात अधिसूचना जारी केली आहे. २५ जून १९७५ रोजी देशात लागू करण्यात आलेल्या आणीबाणीच्या घटनेच्या स्मरणार्थ हा दिवस काळा दिवस म्हणून पाळला जाईल.

25 जून 1975 को तत्कालीन प्रधानमंत्री इंदिरा गाँधी ने अपनी तानाशाही मानसिकता को दर्शाते हुए देश में आपातकाल लगाकर भारतीय लोकतंत्र की आत्मा का गला घोंट दिया था। लाखों लोगों को अकारण जेल में डाल दिया गया और मीडिया की आवाज को दबा दिया गया। भारत सरकार ने हर साल 25 जून को 'संविधान… pic.twitter.com/KQ9wpIfUTg

— Amit Shah (@AmitShah) July 12, 2024

केंद्रीय गृहमंत्री अमित शहा यांनी ट्विट केले आहे की, २५ जून १९७५ रोजी तत्कालीन पंतप्रधान इंदिरा गांधी यांनी देशात आणीबाणी लादून भारतीय लोकशाहीच्या आत्म्याचा गळा घोटला होता. या काळात लाखो लोकांना विनाकारण तुरुंगात टाकण्यात आले आणि माध्यमांचा आवाज दाबण्यात आला. २५ जून १९७५ च्या घटनांचे स्मरण ठेवत, त्या वेदना सहन करणाऱ्या सर्वांच्या अतुलनीय योगदानाचे स्मरण करून देण्यासाठी दरवर्षी २५ जून हा दिवस 'संविधान हत्या दिन' म्हणून साजरा करण्याचा निर्णय घेतला आहे.

या निर्णयामुळे १९७५ च्या आणीबाणीच्या काळातील घटनांचे स्मरण करून देण्यात येणार आहे आणि त्या काळात झालेल्या अन्याय आणि अत्याचारांच्या विरोधात आवाज उठवण्याचे महत्व अधोरेखित केले जाणार आहे.