कोकण : डोंबिवली एमआयडीसीत गोदामाला आग (VIDEO)

डोंबिवली : डोंबिवली पूर्व येथील एमआयडीसी परिसरात असलेल्या एका सुगंधी द्रव्यांच्या गोदामाला ८ मार्च रोजी रात्री आग लागली.

खंबलपाडा, सीएनजी गॅस पंपच्या बाजूला, पेंढारकर कॉलेजजवळ हे गोदाम आहे. रात्री एक वाजण्याच्या सुमारास ही आग लागली. प्रादेशिक आपत्ती व्यवस्थापन कक्षाला याची माहिती रात्री २ वाजून १० मिनिटांनी मिळाली. त्यानंतर डोंबिवली एमआयडीसी, कल्याण, ठाणे, उल्हासनगर, अंबरनाथ, नवी मुंबई, तळोजा एमआयडीसी, भिवंडी येथील अग्निशमन दलाची पथके अग्निशामक वाहनांसह घटनास्थळी पोहोचले असून आग विझवण्याचे शर्थीचे प्रयत्न सकाळपर्यंत सुरू होते.

या दुर्घटनेत कोणालाही दुखापत झालेली नाही, कोणतीही जीवितहानी झालेली नाही.