पुणे पोलिसांकडून चेनस्नॅचिंगमधील आरोपीला अटक ६.१५ लाखांचा मुद्देमाल जप्त

 

स्विफ्ट डिझायर कारसह मोबाईल हस्तगत 

दरोडा व वाहनचोरी विरोधी पथकाची यशस्वी कामगिरी 

सहकारनगर पोलीस ठाण्यात गुन्हा दाखल

 पुणे :  पुणे शहर पोलिसांच्या दरोडा व वाहनचोरी विरोधी पथक १ ने चैन स्नॅचिंगच्या गुन्ह्यातील एका आरोपीला अटक केली आहे.  १७ ऑगस्ट २०२५ रोजी, सहकारनगर पोलीस स्टेशनमध्ये दाखल असलेल्या गुन्ह्याचा समांतर तपास करत असताना, गुप्त बातमीदाराकडून मिळालेल्या माहितीनुसार पोलिसांनी ही कारवाई केली.   

 शनिवार पेठेतील मुळा-मुठा नदीपात्राजवळ असलेल्या शनि मंदिराच्या समोरच्या गल्लीतून सुनील रावण शिंदे (वय २९, रा. श्रीरामपूर, अहिल्यानगर) याला ताब्यात घेण्यात आले.  अधिक चौकशीत त्याने इतर तीन साथीदारांसह हा गुन्हा केल्याची कबुली दिली.  पोलिसांनी त्याच्याकडून ₹६,००,००० किंमतीची एक स्विफ्ट डिझायर कार आणि ₹१५,००० किंमतीचा एक मोबाईल हँडसेट असा एकूण ₹६,१५,००० चा मुद्देमाल जप्त केला.   

 पुढील कायदेशीर कारवाईसाठी आरोपीला सहकारनगर पोलीस ठाण्याच्या ताब्यात देण्यात आले आहे. ही कारवाई अपर पोलीस आयुक्त (गुन्हे) पंकज देशमुख, पोलीस उप-आयुक्त निखिल पिंगळे, आणि सहा.  पोलीस आयुक्त राजेंद्र मुळीक यांच्या मार्गदर्शनाखाली करण्यात आली.   

·         Pune Police

·         Chain Snatching

·         Crime

·         Arrest

·         Vehicle Seizure

 #PunePolice #ChainSnatching #Crime #Pune #Arrest #Theft