घानाच्या संरक्षण मंत्र्यांचा हेलिकॉप्टर अपघातात मृत्यू

नवी दिल्ली, (प्रतिनिधी): घानाचे संरक्षण मंत्री एडवर्ड ओमान बोमाह यांचा बुधवारी (७ ऑगस्ट) एका लष्करी हेलिकॉप्टर अपघातात मृत्यू झाला. या दुर्घटनेत त्यांच्यासोबत पर्यावरण मंत्री इब्राहिम मुर्तला मुहम्मद, तीन इतर अधिकारी आणि हवाई दलाचे तीन जवान अशा एकूण आठ जणांचा मृत्यू झाला आहे.

राष्ट्राध्यक्ष जॉन महामा यांचे चीफ ऑफ स्टाफ जुलियस डेब्रा यांनी पत्रकार परिषदेत या अपघाताला 'राष्ट्रीय शोकांतिका' म्हटले आहे. या अपघाताचे कारण अद्याप स्पष्ट झालेले नाही, परंतु घानाच्या सशस्त्र दलाने सांगितले की, दुर्घटनेच्या काही वेळापूर्वी 'झेड-९' (Z9) हेलिकॉप्टरचा रडारशी संपर्क तुटला होता.

माजी दूरसंचार मंत्री असलेले बोमाह यांची जानेवारीमध्ये राष्ट्राध्यक्ष महामा यांच्या सत्तेत पुनरागमन झाल्यानंतर संरक्षण मंत्री म्हणून नियुक्ती करण्यात आली होती. त्यांच्या मृत्यूनंतर, त्यांच्या उत्तराधिकाऱ्याला देशांतर्गत आणि प्रादेशिक सुरक्षा आव्हानांचा सामना करावा लागेल.