किरण कोळी, प्रॉमिस कोळी, गुरुनाथ पाटील 'निसर्ग मित्र' पुरस्काराने सन्मानित
उरण, दि. ८ : थोर निरूपणकार आणि महाराष्ट्र भूषण डॉ. श्री. नानासाहेब धर्माधिकारी यांच्या पुण्यस्मरण दिनानिमित्त, आज ०८ जुलै २०२५ रोजी केळवणे येथील को.ए.सो. हायस्कूल केळवणे येथे एक विशेष कार्यक्रम आयोजित करण्यात आला होता. एकविरा कला, क्रीडा, सामाजिक आणि शैक्षणिक संस्था, पनवेल आणि श्री. बी.के. पाटील फाऊंडेशन, केळवणे यांच्या संयुक्त विद्यमाने 'डॉ. श्री. नानासाहेब धर्माधिकारी निसर्ग मित्र पुरस्कार' प्रदान सोहळा आणि बंधारा सुरक्षिततेसाठी वृक्षवाटप कार्यक्रम उत्साहात संपन्न झाला.
या कार्यक्रमाला केळवणे गावच्या उपसरपंच सुवर्णा वि. गावंड, ग्रामपंचायत सदस्या आरती कोळी, सामाजिक कार्यकर्ते भोईर आणि शाळेचे मुख्याध्यापक यांची प्रमुख उपस्थिती होती.
तेजस पाटील आणि विशाल घरत यांच्यामार्फत उपस्थित मान्यवरांना आणि ग्रामस्थांना झाडे वाटप करण्यात आली. "बंधारा सुरक्षित ठेवण्यासाठी हा एक छोटासा प्रयत्न आहे," असे मत यावेळी तेजस पाटील यांनी व्यक्त केले.
या सोहळ्यात किरण कोळी, प्रॉमिस कोळी, आणि गुरुनाथ पाटील यांना त्यांच्या निसर्ग संवर्धनातील योगदानाबद्दल डॉ. श्री. नानासाहेब धर्माधिकारी निसर्ग मित्र पुरस्काराने गौरवण्यात आले. पुरस्कार मिळालेल्या या मान्यवरांचे सर्वत्र अभिनंदन आणि कौतुक होत आहे.
एकंदरीत हा संपूर्ण कार्यक्रम मोठ्या उत्साहात आणि उत्तम प्रतिसादात संपन्न झाला, ज्यामुळे निसर्ग संवर्धनाचा संदेश प्रभावीपणे पोहोचला.
Dr. Nanasaheb Dharmadhikari, Nisarg Mitra Puraskar, Ekvira Kala Krida Sanstha, B.K. Patil Foundation, Kelavane, Panvel, Tree Plantation, Environmental Award
#NanasahebDharmadhikari #NisargMitra #EnvironmentalAward #TreePlantation #Uran #Panvel #Kelavane #CommunityEvent #Maharashtra
Reviewed by ANN news network
on
७/०८/२०२५ ०७:२८:०० PM
Rating:
कोणत्याही टिप्पण्‍या नाहीत: