मुंबई, ०४ जुलै २०२५: मुंबई पोलिसांनी अंमली पदार्थ विरोधी कारवाईत मोठी यश मिळवले आहे. गुन्हे प्रकटीकरण शाखा, कक्ष-९ च्या पथकाने ४.०५७ किलो ग्रॅम वजनाचा, आंतरराष्ट्रीय बाजारात सुमारे ४ कोटी ५ लाख ७० हजार रुपये किमतीचा 'हायड्रो गांजा' हा अंमली पदार्थ जप्त केला असून, या प्रकरणी तीन संशयित आरोपींना ताब्यात घेण्यात आले आहे.
मिळालेल्या माहितीनुसार, दिनांक ०४/०७/२०२५ रोजी रात्री कक्ष-९ मधील पोलीस पथक व्ही. एम. शहा मार्ग, जे. बी. नगर, अंधेरी (पूर्व), मुंबई - ५९ या परिसरात गस्त घालत असताना, त्यांना तीन अनोळखी इसम संशयास्पदरित्या वावरताना दिसले. पोलिसांनी तात्काळ या तिन्ही संशयित व्यक्तींना ताब्यात घेऊन त्यांची झडती घेतली असता, त्यांच्याकडे एकूण ४ किलो ०५७ ग्रॅम 'हायड्रो गांजा' मिळून आला.
या जप्त केलेल्या अंमली पदार्थाची आंतरराष्ट्रीय बाजारात अंदाजे किंमत ४,०५,७०,०००/- रुपये एवढी आहे. या प्रकरणी गुन्हे प्रकटीकरण शाखा, विशेष स्थानक गुन्हे रजि. क्र. ६६/२०२५ अन्वये एन.डी.पी.एस. कायदा १९८५ च्या कलम ८ (क), २० (ब) आणि २९ अंतर्गत गुन्हा नोंद करण्यात आला आहे.
Crime, Narcotics, Drug Seizure, Mumbai Police, Andheri, Hydro Ganja, Arrest
#MumbaiPolice #DrugBust #HydroGanja #CrimeNews #Andheri #Narcotics #Mumbai
Reviewed by ANN news network
on
७/०५/२०२५ १०:१६:०० PM
Rating:
कोणत्याही टिप्पण्‍या नाहीत: