मुंबई : साकीनाका वाहतूक विभागाच्या हद्दीतील जोगेश्वरी-विक्रोळी लिंक रोड (JVLR) मार्गावर मेट्रो ६ प्रकल्पाच्या कामामुळे वाहतुकीत तात्पुरते बदल करण्यात आले आहेत. ईगल इन्फ्रा इंडिया लिमिटेड (Eagle Infra India LTD) कंपनीमार्फत पवई जंक्शन ते गणेशघाट सेल्फी पॉईंट दरम्यान सुरू असलेल्या 'एलिमेंट्स लॉन्चिंग'च्या कामासाठी दक्षिण दिशेकडील (South Bound) सर्व्हिस रोड तात्पुरता बंद करण्यात येणार आहे. यामुळे वाहतूक अन्य मार्गाने वळवण्यात येणार असून, नागरिकांना होणारी गैरसोय टाळण्यासाठी मुंबई वाहतूक पोलिसांनी ही अधिसूचना जारी केली आहे.
वाहतुकीतील बदल:
- बंद केलेला मार्ग: जेव्हीएलआर रोड, गणेशघाट सेल्फी पॉईंट ते मिलिंदनगर दरम्यानचा दक्षिण दिशेकडील सर्व्हिस रोड (South Bound Service Road) सर्व प्रकारच्या वाहतुकीसाठी बंद राहील.
- पर्यायी मार्ग: वरील मार्गावरील वाहतूक जेव्हीएलआर रोडवरील एल अँड टी उड्डाणपुलाखालील दक्षिण दिशेकडून जाऊन, मिलिंदनगर जंक्शन येथे यू-टर्न घेऊन, नंतर जेव्हीएलआरच्या उत्तर दिशेकडील सर्व्हिस रोड आणि साकीविहार रोडचा वापर करून इच्छित स्थळी जाऊ शकेल.
प्रदीप चव्हाण, पोलीस उप आयुक्त, पूर्व उपनगरे, वाहतूक, बृहन्मुंबई यांनी महाराष्ट्र मोटार वाहन अधिनियम १९८८ च्या कलम ११५ नुसार हे आदेश दिले आहेत. हे आदेश दिनांक १२/०६/२०२५ पासून लागू होतील. वाहतूक कोंडी टाळण्यासाठी आणि कामादरम्यान सुरक्षितता राखण्यासाठी हे बदल आवश्यक असल्याचे वाहतूक पोलिसांनी कळवले आहे. नागरिकांनी सहकार्य करावे, असे आवाहनही करण्यात आले आहे.
Mumbai Traffic, JVLR Road, Metro Line 6, Traffic Diversion, Sakinaka, Road Closure, Traffic Police, Infrastructure Project, Mumbai Metro, Public Notice.
#MumbaiTraffic #JVLR #Metro6 #TrafficDiversion #Sakinaka #MumbaiPolice #RoadClosure #Infrastructure #PublicTransport #MumbaiNews
Reviewed by ANN news network
on
६/१०/२०२५ ०८:२७:०० PM
Rating:
कोणत्याही टिप्पण्या नाहीत: