जबरी चोरीचे दोन गुन्हे उघडकीस; १०० टक्के मुद्देमाल हस्तगत

मुंबई : माटुंगा पोलिसांनी दोन जबरी चोरीच्या गुन्ह्यांतील आरोपींना अटक करून १०० टक्के मुद्देमाल हस्तगत करण्यात यश मिळवले आहे. मुंबईतील माटुंगा पोलीस ठाण्याच्या हद्दीत महिलांच्या गळ्यातील मंगळसूत्र हिसकावून पळून जाण्याच्या दोन घटना घडल्या होत्या. या गुन्ह्यांचा तांत्रिक तपास आणि गुप्त बातमीदारांच्या मदतीने पोलिसांनी छडा लावला आहे.

गुन्हा क्रमांक १: दिनांक १८/०५/२०२५ रोजी रात्री ९:१५ च्या सुमारास दादर टी. टी. दिशेने पायी जात असताना टिळक ब्रिजच्या फुटपाथवर एका अनोळखी इसमाने एका महिलेच्या गळ्यातील मंगळसूत्र जबरदस्तीने हिसकावून घेतले होते. या प्रकरणी माटुंगा पोलीस ठाण्यात गुन्हा रजि. क्र. ११८/२०२५, कलम ३०४, ३०९ (४) भा. न्या. सं. २०२३ अन्वये गुन्हा दाखल करण्यात आला होता.

गुन्हा क्रमांक २: असाच दुसरा एक गुन्हा माटुंगा पोलीस ठाणे गु.र.क्र. १३०/२०२५, कलम ३०९ (४) भा. न्या. सं. अन्वये नोंदवण्यात आला होता.

पोलिसांची कारवाई: या गुन्ह्यांच्या तपासादरम्यान, पोलिसांनी सलीम मतीन सय्यद उर्फ (मोजेस) (वय ४४) आणि अकबर अहमद सय्यद (वय ४५) या दोन आरोपींना अटक केली. माटुंगा पोलीस ठाणे गु.र.क्र. १३०/२०२५ मधील गुन्हा सलीम मतीन सय्यद उर्फ (मोजेस) यानेच केला असल्याचे तपासाअंती उघडकीस आले आहे.

हस्तगत केलेला मुद्देमाल: या दोन्ही गुन्ह्यांत चोरीस गेलेली खालील मालमत्ता पोलिसांनी हस्तगत केली आहे:

गु.र.क्र. ११८/२०२५ मधील गुन्हा: ७.६४० ग्रॅम वजनाची एक सोन्याची लगड (किंमत रू. ५५,३५१/-).
गु.र.क्र. १३०/२०२५ मधील गुन्हा: ४.३४० ग्रॅम वजनाची एक सोन्याची लगड (किंमत रू. ३१,४४३/-). अशा प्रकारे एकूण रू. ८६,७९४/- किमतीचा मुद्देमाल हस्तगत करण्यात आला आहे.

ही कामगिरी आयुक्त, देवेन भारती, सह आयुक्त सत्यनारायण चौधरी (कायदा व सुव्यवस्था), अप्पर आयुक्त विक्रम देशमाने (मध्य प्रादेशिक विभाग), उप आयुक्त श्री. रागसुधा आर, परिमंडळ ४, सहायक आयुक्त, माटुंगा विभाग, मुंबई योगेश गावडे, वरिष्ठ निरीक्षक, माटुंगा पोलीस ठाणे राजेंद्र पवार, निरीक्षक गुन्हे श्रीमती. प्रतिभा जोगळेकर यांच्या मार्गदर्शनाखाली माटुंगा पोलीस पथकाने केली.

Mumbai Police, Matunga Police Station, Chain Snatching, Robbery, Crime Solved, Arrests, Stolen Property Recovery, Law Enforcement, Mumbai Crime, Gold Recovery.

#MumbaiPolice #Matunga #CrimeSolved #ChainSnatching #GoldRecovery #Arrests #LawAndOrder #MumbaiCrime #PoliceAction #MumbaiSafety