सायकलिंग संस्कृती वाढवण्यासाठी दापोली सायक्लोथॉन ११ मे रोजी

 

दापोली समर सायक्लोथॉन सिझन सात : १५० किमी सायकल चालवण्याचे आव्हान

दापोली : सायकल संस्कृती वाढावी आणि सायकलिंगबद्दल आवड निर्माण व्हावी या उद्देशाने दापोली सायकलिंग क्लबच्या वतीने ‘दापोली समर सायक्लोथॉन २०२५, सिझन ७’ स्पर्धेचे आयोजन करण्यात आले आहे. ही स्पर्धा ११ व १२ मे २०२५ रोजी सकाळी सोहनी विद्यामंदिर मैदान, दापोली येथे होणार असून, यामध्ये १५० किमी सायकल चालवण्याचे आव्हान समाविष्ट आहे.

या सायक्लोथॉनमध्ये महाराष्ट्रातील विविध जिल्ह्यांतील तसेच इतर राज्यांतील अनुभवी सायकलपटू आपल्या कुटुंबियांसह सहभागी होणार आहेत. सायकल चालवण्याचे शारीरिक आणि मानसिक आरोग्यावर होणारे फायदे लक्षात घेता नागरिकांनीही यात सक्रिय सहभाग घ्यावा, असे आवाहन करण्यात आले आहे.

स्पर्धा विविध गटांमध्ये होणार असून, यात १ ते १५० किमी अंतराचे वेगवेगळे राईड्स असतील. ३० व ५० किमी कोस्टल सिनिक रुट, ४ ते १५० किमी शॉर्ट सिटी लूप आणि १ व २ किमी फन राईड अशा प्रकारांमध्ये स्पर्धा आयोजित केली आहे. सहभागी प्रत्येक स्पर्धकाला आकर्षक मेडल व प्रमाणपत्र प्रदान करण्यात येईल.

शॉर्ट सिटी लूप मध्ये ५०, ७५, १००, १२५ आणि १५० किमी पूर्ण करणाऱ्या स्पर्धकांना अनुक्रमे २००, ३००, ४००, ५०० व ६०० रुपयांची रोख पारितोषिके मिळतील. याशिवाय इतर विशेष बक्षिसांचीही घोषणा करण्यात आली आहे. १२ तासांच्या मर्यादेत १५० किमी अंतर पार करण्याचे आव्हान सहभागी स्पर्धकांसमोर असेल.

५० किमी कोस्टल सिनिक रुटमध्ये सोहनी विद्यामंदिर दापोली ते आसूद, सालदुरे, पाळंदे, बायपास रोड, आंजर्ले पूल, अडखळ, पाजपंढरी, हर्णै, दापोली असा नयनरम्य समुद्रकिनाऱ्यावरील गावांमधून राईड होईल. राईड मार्गावर स्वयंसेवक, पाणी, फळे, स्नॅक्स, बॅकअप टेम्पो व वैद्यकीय मदतीची सोय केली जाणार आहे.

फन राईड विनामूल्य असून इतर स्पर्धांमध्ये सहभागी होण्यासाठी आगाऊ नोंदणी आवश्यक आहे. ऑनलाईन नोंदणीसाठी https://www.townscript.com/e/dsc7 या लिंकवर जाऊन अर्ज करता येईल. तसेच ऑफलाईन नोंदणी फॉर्म विनी इलेक्ट्रिकल फॅमिली माळ, श्री सायकल मार्ट, जोशी ब्रदर्स मेडिकल बाजारपेठ आणि दत्ता मोबाईल कामगार गल्ली, दापोली येथे उपलब्ध आहेत. नोंदणी करण्याची अंतिम तारीख ५ मे २०२५ निश्चित करण्यात आली आहे.

अधिक माहितीसाठी ८६५५८७४४८६, ८७६७२८५८२७ आणि ९०२८७४१५९५ या संपर्क क्रमांकांवर संपर्क साधावा, असे आवाहन आयोजकांनी केले आहे. सर्वांनी सराव सुरू करून आपल्या कुटुंबीयांसह या उपक्रमात सहभागी व्हावे व जास्तीत जास्त अंतर पार करण्याचा अनुभव घ्यावा, असे आवाहन दापोली सायकलिंग क्लबतर्फे करण्यात आले आहे.