सर्वधर्म समभावाचा संदेश देत भाऊसाहेब भोईरांचा मस्जिद दौरा

 

चिंचवडमध्ये सामाजिक एकोप्याचा आदर्श

चिंचवड (प्रतिनिधी): चिंचवड मतदार संघाचे अपक्ष उमेदवार भाऊसाहेब भोईर यांनी आलमगीर शाही मस्जिदला भेट देऊन मुस्लिम समाजाच्या विकासासाठी सर्वतोपरी सहकार्य करण्याचे आश्वासन दिले.

मस्जिद भेटीदरम्यान भोईर यांनी मुस्लिम बांधवांच्या समस्या जाणून घेतल्या आणि त्या सोडवण्यासाठी प्रयत्नशील राहण्याचे वचन दिले. चिंचवड मतदार संघातील मुस्लिम समाजाचे योगदान अत्यंत महत्त्वपूर्ण असल्याचेही त्यांनी यावेळी नमूद केले.

"चिंचवड मतदार संघात सर्वधर्म समभाव जपला जात असून, हिंदू-मुस्लिम ऐक्याचे उत्तम उदाहरण येथे पाहायला मिळते," असे भोईर यांनी सांगितले. यंदाच्या निवडणुकीत मिळालेले कपाट चिन्ह विजयाचे प्रतीक ठरणार असल्याचाही विश्वास त्यांनी व्यक्त केला.

उद्योगनगरीला सांस्कृतिक नगरीचे वैभव प्राप्त करून देण्यासाठी आपण कटिबद्ध असल्याचे सांगून भोईर यांनी मुस्लिम समाजाला पाठिंब्याचे आवाहन केले.

या भेटीदरम्यान मुस्लिम समाजातील अनेक मान्यवर व्यक्ती उपस्थित होत्या.