चिंचवड पश्चिम भागातून भाऊसाहेब भोईर यांना जनसमर्थन

 

 बिजलीनगर-शिवनगरीत भोईर यांची पदयात्रा

चिंचवड (प्रतिनिधी) : चिंचवड विधानसभा मतदारसंघाचे अपक्ष उमेदवार भाऊसाहेब भोईर यांना पश्चिम भागातून मोठा जनसमर्थन मिळत असून, नागरिकांनीच त्यांची प्रचार यंत्रणा हाती घेतली आहे. शहराच्या पूर्व भागातील आमदारांमुळे पश्चिम भागात निर्माण झालेल्या विकास अनुशेषाबद्दल नागरिकांमध्ये असलेला रोष यंदाच्या निवडणुकीत भोईर यांना फायदेशीर ठरत आहे.

रविवारी बिजलीनगर, शिवनगरी भागात भोईर यांनी पदयात्रा काढून मतदारांशी संवाद साधला. या भागातील नागरिकांच्या समस्या जाणून घेत त्या सोडवण्याचे आश्वासन त्यांनी दिले. महानगरपालिकेतील प्रतिनिधी म्हणून प्राधिकरण क्षेत्रात केलेल्या विकासकामांचा उल्लेख करत त्यांनी संपूर्ण मतदारसंघासाठी मास्टर प्लॅन तयार केल्याचे सांगितले.

नदी सुधार प्रकल्पाला प्राधान्य देण्याचे आश्वासन देत भोईर यांनी प्रशस्त रस्ते, सुसज्ज प्रकाश योजना, क्रीडांगणे, सांस्कृतिक भवन, अभ्यासिका, ज्येष्ठ नागरिक विरंगुळा केंद्र आणि अंतर्गत पाणीपुरवठा वाहिनी अशा विविध विकासकामांचा आराखडा सादर केला.

कार्यक्रमास संवाद सुदाम परब, संतोष पाटील, जीतू पाटील यांच्यासह अनेक मान्यवर उपस्थित होते.