आकुर्डीत डॉक्टर्स असोसिएशनचा शिलवंत यांना जाहीर पाठिंबा

 

आकुर्डी : महाविकास आघाडीच्या राष्ट्रवादी काँग्रेस (शरद पवार) पक्षाच्या उमेदवार डॉ. सुलक्षणा शिलवंत यांना स्थानिक वैद्यकीय क्षेत्रातील व्यावसायिकांनी मोठा पाठिंबा जाहीर केला आहे.

आकुर्डी येथे आयोजित विशेष कार्यक्रमात या पाठिंब्याची औपचारिक घोषणा करण्यात आली. डॉक्टर्स सेलचे प्रदेश प्रमुख डॉ. सुनील जगताप, राष्ट्रवादी काँग्रेसचे विभागीय अध्यक्ष डॉ. दत्तात्रय कोकाटे यांच्यासह अनेक प्रमुख डॉक्टर्स या वेळी उपस्थित होते.

डॉ. शिलवंत यांनी मतदारसंघातील आरोग्य सेवा बळकट करण्याची आणि वैद्यकीय कर्मचाऱ्यांसाठी अनुकूल वातावरण निर्माण करण्याची हमी दिली. त्यांच्या या धोरणात्मक भूमिकेमुळे वैद्यकीय क्षेत्राने त्यांना पाठिंबा दिला असल्याचे उपस्थित डॉक्टरांनी सांगितले.

कार्यक्रमात जनआरोग्य मंचचे जिल्हाध्यक्ष डॉ. किशोर खिलारे, डॉ. भरत सरोदे आणि राष्ट्रवादी डॉक्टर्स सेलचे शहर अध्यक्ष डॉ. अभय तांबिले यांच्यासह अनेक प्रतिष्ठित डॉक्टर्स उपस्थित होते.

डॉ. शिलवंत यांनी या पाठिंब्याबद्दल आभार व्यक्त करत वैद्यकीय क्षेत्राच्या विकासासाठी कटिबद्ध राहण्याचे आश्वासन दिले.