लाचलुचपत प्रतिबंधक विभागाची ग्रामविकास अधिकारी, सरपंच व लिपिकावर कारवाई

१० हजार रुपयांची लाच घेताना रंगेहात पकडले

पालघर जिल्ह्यातील सायवन ग्रामपंचायतीची घटना

ठाणे येथील एसीबीने यशस्वी केली सापळा कारवाई

पालघर जिल्ह्यातील सायवन ग्रामपंचायतीमध्ये लाचलुचपत प्रतिबंधक विभागाने (ACB) लाचेच्या सापळ्यात तीन लोकसेवकांना रंगेहात पकडले आहे. यामध्ये ग्रामविकास अधिकारी, सरपंच आणि लिपिक यांचा समावेश आहे. तक्रारदाराकडून १०,००० रुपयांची लाच स्वीकारताना ही कारवाई करण्यात आली.

तक्रारदार एका कामासाठी ग्रामपंचायतीमध्ये गेले असता, संबंधित लोकसेवकांनी त्या कामासाठी १०,००० रुपयांची लाच मागितली. त्यानंतर तक्रारदाराने लाचलुचपत प्रतिबंधक विभाग, ठाणे यांच्याशी संपर्क साधला. एसीबीने केलेल्या पडताळणीमध्ये लाचेची मागणी आणि स्वीकार करण्याचे मान्य झाल्याचे निष्पन्न झाले.

१९ ऑगस्ट २०२५ रोजी एसीबीच्या पथकाने सायवन ग्रामपंचायतीमध्ये सापळा रचला. यावेळी ग्रामविकास अधिकारी श्रीमती ममता मनोज पिंपळे, सरपंच श्री. विष्णू जीवन बोरसा आणि लिपिक (कंत्राटी कामगार) श्री. यशवंत किरण भोये यांना तक्रारदाराकडून १०,००० रुपयांची लाच स्वीकारताना रंगेहात पकडण्यात आले. सध्या या सर्व आरोपींना ताब्यात घेण्यात आले असून, त्यांच्याविरुद्ध गुन्हा दाखल करण्याची प्रक्रिया सुरू आहे.