पिंपरी येथे १७ ऑगस्ट रोजी 'उद्धव श्री २०२५' पुरस्कार वितरण सोहळा
पिंपरी/पुणे (प्रतिनिधी): शिवसेना पक्षप्रमुख तथा माजी मुख्यमंत्री उद्धव ठाकरे यांच्या वाढदिवसानिमित्त देण्यात येणाऱ्या 'उद्धव श्री २०२५' पुरस्काराची घोषणा नुकतीच करण्यात आली आहे. यावर्षीचा पुरस्कार उद्योजक विश्व चोरडिया आणि शैक्षणिक क्षेत्रात कार्यरत असलेले राजेश म्हस्के यांना जाहीर झाला आहे. पुरस्कार वितरण सोहळा रविवारी, १७ ऑगस्ट रोजी पिंपरी येथील आचार्य अत्रे रंगमंदिर येथे होणार आहे.
पुरस्कार समितीचे अध्यक्ष व संयोजक माजी आमदार ॲड. गौतम चाबुकस्वार यांनी दिलेल्या माहितीनुसार, विधान परिषदेचे माजी विरोधी पक्षनेते अंबादास दानवे आणि शिवसेना नेते अरविंद सावंत यांच्या हस्ते हा पुरस्कार प्रदान करण्यात येईल. तसेच, याच कार्यक्रमात राजर्षी शाहू महाराज शिष्यवृत्ती योजनेचे धनादेशही वाटप केले जाणार आहेत.
यावर्षी पत्रकारिता, सामाजिक कार्य, कला, कामगार आणि क्रीडा अशा विविध क्षेत्रांतील एकूण दहा मान्यवरांची 'उद्धव श्री २०२५' पुरस्कारासाठी निवड करण्यात आली आहे. यात संजय आवटे (पत्रकारिता), विजय जगताप (सहारा वृद्धाश्रम), अनिल भांगडिया (उद्योजक), साजन बेंद्रे (कलाक्षेत्र), शशिकांत उर्फ बबन झिंजुर्डे (कामगार क्षेत्र), विशाल गायकवाड (कला क्षेत्र), देवा झिंजाड (लेखक), स्वातीताई गवारे (महिला उद्योजिका) आणि अभिमन्यू सूर्यवंशी (क्रीडाक्षेत्र) यांचा समावेश आहे.
Uddhav Thackeray, Uddhav Shri Award, Award Ceremony, Pimpri, Pune, Shiv Sena, Ambadas Danve, Arvind Sawant
#UddhavThackeray #UddhavShriAward #Pune #Pimpri #ShivSena #AwardCeremony #MaharashtraNews #AmbadasDanve
Reviewed by ANN news network
on
८/१४/२०२५ १०:५३:०० PM
Rating:
कोणत्याही टिप्पण्‍या नाहीत: