पुणे पोलिसांची मोठी कारवाई; परिमंडळ ५ मधून १० सराईत गुन्हेगार तडीपार

आगामी सणांच्या पार्श्वभूमीवर निर्णय

०२ वर्षांसाठी पुणे, पिंपरी-चिंचवडमधून हद्दपार

जानेवारीपासून ११४ गुन्हेगारांवर कठोर कारवाई

पुणे : पुणे शहर पोलीस आयुक्तालयातील गुन्हेगारीला आळा घालण्यासाठी पोलीस उपायुक्त, परिमंडळ ५ यांनी १० सराईत गुन्हेगारांवर तडीपार (हद्दपार) कारवाई केली आहे. आगामी सण-उत्सवांच्या पार्श्वभूमीवर हा निर्णय घेण्यात आला असून, यात दोन टोळ्यांमधील ७ गुन्हेगार आणि कलम ५६ नुसार ३ गुन्हेगारांचा समावेश आहे. या सर्व आरोपींना पुणे शहर, पिंपरी-चिंचवड शहर आणि पुणे ग्रामीण जिल्ह्याच्या हद्दीतून दोन वर्षांसाठी तडीपार करण्यात आले आहे.

जानेवारी २०२५ पासून आतापर्यंत परिमंडळ ५ कार्यालयाकडून १६ सराईत गुन्हेगारांवर एम.पी.डी.ए. (MPDA) अंतर्गत, १० मोका (MCOCA) कारवाईमध्ये ६७ गुन्हेगारांना आणि आजपर्यंत ३१ गुन्हेगारांना तडीपार करण्यात आले आहे. अशा प्रकारे एकूण ११४ गुन्हेगारांवर कठोर कारवाई करण्यात आली आहे.

परिमंडळ ५ मधून तडीपार केलेल्या गुन्हेगारांची यादी

पोलीस ठाणे	अ. क्र.	आरोपीचे नाव (वय)	पत्ता	गुन्हे
लोणी काळभोर	१	अनिकेत गुलाब यादव (२२)	जिल्हा परिषद शाळेच्या मागे, कदमवाकवस्ती, लोणी काळभोर, ता. हवेली, जि. पुणे	बेकायदेशीर जमाव जमविणे, बेकायदेशीर हत्यार बाळगणे, दहशत निर्माण करणे, दरोडा टाकणे, मारहाण करून धमकावणे, जबरी चोरी, बेकायदेशीर अग्निशस्त्र बाळगणे (एकूण ५ गुन्हे)
	२	प्रसाद उर्फ बाबु धनाजी सोनवणे (२१)	नायगाव रोड, चिंतामणी सोसायटीशेजारी, थेऊर, ता. हवेली, जि. पुणे	बेकायदेशीर हत्यार बाळगणे, दरोड्याची तयारी करणे (एकूण ३ गुन्हे)
कोंढवा	३	विश्वजीत भिमराव गायकवाड (४०)	स.नं. १३/५, भिमनगर, कोंढवा खुर्द, पुणे	बेकायदेशीर गावठी हातभट्टी दारूची विक्री करणे (एकूण ४ गुन्हे)
	४	करीम सय्यदअली सौदागर उर्फ लाला (२९)	स.नं. ४२, मेट्रो टॉवर, २ रा मजला, फ्लॅट नं. २०२, कोंढवा खुर्द, पुणे (टोळी प्रमुख)	बेकायदेशीर हत्यार बाळगणे, दुखापत करणे, मारहाण करणे, धमकावणे, गंभीर दुखापत करणे, जबरी चोरी, सार्वजनिक मालमत्तेचे नुकसान करणे, चोरी (एकूण ७ गुन्हे)
	५	शाहरुख रमजान पठाण उर्फ फतेह (२५)	भाग्योदयनगर, गल्ली नं. २२, जरीयावाला बिल्डींग, फ्लॅट नं. १३ एवन सुपर मार्केट शेजारी, कोंढवा खुर्द, पुणे (टोळी सदस्य)	(गुन्हे वरिलप्रमाणेच)
	६	अझहर बशीर शेख (३५)	स.नं. ५४ शिवनेरीनगर, लेन नं. ३, फातीमा मस्जिदजवळ बैठेघर, कोंढवा, पुणे (टोळी सदस्य)	(गुन्हे वरिलप्रमाणेच)
	७	अझहर इरफान उर्फ अज्जु (२८)	गल्ली नं. ३०, भाग्योदयनगर, मक्का मस्जिद गेट नं. २, कोंढवा खुर्द, पुणे (टोळी सदस्य)	(गुन्हे वरिलप्रमाणेच)
वानवडी	८	राहुल उर्फ विकी रामु परदेशी (३५)	घ.नं. ५३२, नोबल बेकरीशेजारी, वानवडी गांव, पुणे (टोळी प्रमुख)	दुखापत करणे, मारहाण करणे, शिवीगाळ करणे, धमकावणे, सरकारी कामात अडथळा निर्माण करून मारहाण करणे, गंभीर दुखापत करणे, मालमत्तेचे नुकसान करणे, विनयभंग, बेकायदेशीर जमाव जमविणे, बेकायदेशीर हत्यार बाळगून दहशत निर्माण करणे (एकूण ७ गुन्हे)
	९	विशाल राजु सोनकर (२६)	घ.नं. ५३२, नोबल बेकरीशेजारी, वानवडी गांव, पुणे (टोळी सदस्य)	(गुन्हे वरिलप्रमाणेच)
	१०	सुनिल रामु परदेशी (३०)	घ.नं. ५३२, नोबल बेकरीशेजारी, वानवडी गांव, पुणे (टोळी सदस्य)	(गुन्हे वरिलप्रमाणेच)