गुरुवारी पुण्यात काही ठिकाणी पाणीपुरवठा बंद

 

शुक्रवारी उशिरा व कमी दाबाने पाणीपुरवठ्याची शक्यता; पर्यायी व्यवस्था करा

पुणे (दि. १ जुलै): पुणे महानगरपालिकेच्या पाणीपुरवठा विभागाकडून मिळालेल्या माहितीनुसार, आगम मंदिर पायथा येथे स्थापत्य विषयक तातडीचे देखभाल दुरुस्तीचे काम हाती घेण्यात येणार असल्याने गुरुवार, दिनांक ३ जुलै २०२५ रोजी खालील नमूद ठिकाणी पूर्ण दिवसाचा पाणीपुरवठा बंद राहणार आहे. यामुळे संबंधित भागातील नागरिकांनी याची नोंद घेऊन आवश्यक सहकार्य करावे, असे आवाहन महानगरपालिकेने केले आहे.

या दुरुस्ती कामामुळे केवळ गुरुवारीच पाणीपुरवठा बंद राहणार नाही, तर शुक्रवार, दिनांक ४ जुलै २०२५ रोजीही संबंधित भागांमध्ये उशिरा व कमी दाबाने पाणीपुरवठा होण्याची शक्यता आहे. त्यामुळे नागरिकांनी पुरेशा पाण्याची साठवणूक करून ठेवावी आणि पाण्याचा जपून वापर करावा, अशी विनंती करण्यात आली आहे.

पाणीपुरवठा बंद असणारा भाग खालीलप्रमाणे: दळवी नगर, दत्तनगर, टेल्को कॉलनी, आमराई आंबेगाव बुद्रुक पर्यंतचा भाग, वाघजाई नगर, आचल फार्म परिसर, पंचम नगर, वडार वस्ती व परिसर, संतोष नगर, अंजली नगर, महावीर कुंज, वंडर सिटी, सेक्शन सोसायटी परिसर, गुरुद्वारा परिसर, आंबेगाव खुर्द गावठाण, जांभूळवाडी रोड इत्यादी.

मुख्य अभियंता (पाणीपुरवठा विभाग) नंदकिशोर जगताप यांनी ही माहिती दिली असून, नागरिकांना होणाऱ्या गैरसोयीबद्दल खेद व्यक्त करत सहकार्याची अपेक्षा केली आहे.

Pune, Water Supply, Civic Alert, Public Utility, Maintenance, Water Cut

#PuneWaterSupply #Pune #PMC #WaterCut #CivicAlert #Ambegaon #Maintenance #WaterDisruption