गांधी भवन येथे १३ जुलै रोजी गांधी दर्शन' शिबीर; मान्यवर वक्ते उपस्थित राहणार

पुणे: महाराष्ट्र गांधी स्मारक निधी आणि युवक क्रांती दलाच्या वतीने रविवार, १३ जुलै २०२५ रोजी कोथरूड येथील गांधी भवनच्या सभागृहात 'गांधी दर्शन' शिबिराचे आयोजन करण्यात आले आहे. सकाळी ९.३० ते सायंकाळी ५.३० या वेळेत होणारे हे शिबीर महात्मा गांधींच्या तत्त्वज्ञानावर आधारित असून, समाजाला सकारात्मक दिशा देण्याचे उद्दिष्ट ठेवण्यात आले आहे.

हे 'गांधी दर्शन' विषयावरील २२ वे शिबीर आहे. या शिबिरात विविध क्षेत्रांतील मान्यवर मार्गदर्शन करणार आहेत. यामध्ये लेखक डॉ. अच्युत गोडबोले 'कृत्रिम बुद्धिमत्ता आणि समाजावरील परिणाम' या विषयावर बोलतील, तर ज्येष्ठ पत्रकार उत्तम कांबळे 'जागतिकीकरण' आणि लेखक ॲड. शंकर निकम 'भरकटलेला राष्ट्रवाद' या विषयांवर आपले विचार मांडणार आहेत. महाराष्ट्र गांधी स्मारक निधीचे अध्यक्ष डॉ. कुमार सप्तर्षी या शिबिराच्या अध्यक्षस्थानी असणार आहेत.

या शिबिरात सत्य, अहिंसा, सामाजिक बांधिलकी आणि स्वावलंबन यांसारख्या गांधीजींच्या महत्त्वपूर्ण तत्त्वांवर सखोल चर्चा होईल. गांधीवादी विचारसरणी आजच्या जगातही कशी उपयुक्त ठरू शकते, यावर प्रकाश टाकला जाईल. महात्मा गांधींच्या विचारधारेचे सखोल चिंतन आणि प्रेरणादायी मार्गदर्शन करून विचारांना एक नवी दृष्टी आणि दिशा देण्याचा प्रयत्न केला जाणार आहे. त्यामुळे सर्वांनी या शिबिरात सहभागी व्हावे, असे आवाहन संयोजकांनी केले आहे.

शिबिरासाठी प्रवेश शुल्क ऐच्छिक ठेवण्यात आले आहे.

अधिक माहिती आणि नाव नोंदणीसाठी संपर्क: