"भारताने रद्द केलेला सिंधू जलकरार कधीच पुनरुज्जीवित होणार नाही" - केंद्रीय गृहमंत्री अमित शाह (VIDEO)

 

पाकिस्तानच्या पाठिंब्याने झालेल्या पहलगाम दहशतवादी हल्ल्यानंतर भारताचा कठोर पवित्रा कायम

नवी दिल्ली, २३ जून २०२५: पाकिस्तानच्या पाठिंब्याने झालेल्या पहलगाम दहशतवादी हल्ल्यानंतर भारताने रद्द केलेला सिंधू जलकरार कधीच पुनरुज्जीवित होणार नाही, असे केंद्रीय गृहमंत्री अमित शाह यांनी स्पष्ट केले आहे. त्यांनी याबाबत वर्तमानपत्रात लिहिलेला एक लेख केंद्रीय वाणिज्य मंत्री पियूष गोयल यांनी आपल्या समाजमाध्यम खात्यावर प्रसिद्ध केला आहे.

शाह यांनी आपल्या लेखात स्पष्ट केले आहे की, सिंधू जलकरार आता कायमचाच रद्द झाला आहे. भारताच्या हक्काचे हे पाणी यापुढे देशाच्या हितासाठीच वापरले जाईल. पाकिस्तानने काश्मीरमध्ये तरुणांची दिशाभूल करण्याचा आणि प्रदेशात अस्थिरता पसरवण्याचा प्रयत्न केला, मात्र रालोआ (राष्ट्रीय लोकशाही आघाडी) सरकारने जनहितार्थ उचललेल्या पावलांमुळे त्यांचे दुष्ट हेतू उघड झाले आहेत. तरुणांना चांगलं काय याची जाणीव झाली असून, यातूनच जम्मू-काश्मीरमध्ये विकासाला आणि सकारात्मक वाटचालीला वेग आल्याचे शाह यांनी म्हटले आहे.

या लेखातून अमित शाह यांनी काँग्रेसने उपस्थित केलेल्या विविध प्रश्नांवर प्रत्युत्तर देत, काँग्रेसवर तीव्र टीकाही केली आहे. सिंधू जलकराराबाबत सरकारचा हा स्पष्ट आणि कठोर पवित्रा पाकिस्तान आणि आंतरराष्ट्रीय समुदायासाठी एक महत्त्वाचा संदेश मानला जात आहे.

Amit Shah, Union Home Minister, Indus Waters Treaty, Cancellation, Pakistan, Pahalgam Terrorist Attack, Piyush Goyal, Jammu & Kashmir, Development, NDA Government, Congress, Criticism. 

 #AmitShah #IndusWatersTreaty #IndiaPakistan #PahalgamAttack #Kashmir #NationalSecurity #WaterPolitics #BJP #Congress