पिंपरी चिंचवड: चिखली येथे एका वादातून बाळासाहेब खामकर आणि भागवत जरे यांना दगड व लाथाबुक्क्यांनी मारहाण करण्यात आली आहे. या प्रकरणी दोन आरोपींना अटक करण्यात आली आहे.
पोलिसांनी दिलेल्या माहितीनुसार, दि. ०४/०६/२०२५ रोजी सायंकाळी ७:०० ते ८:०० वाजण्याच्या सुमारास त्रिवेणीनगर, चिखली, पुणे येथे ही घटना घडली. बाळासाहेब बाबासाहेब खामकर (वय ३२ वर्षे, धंदा नोकरी, रा. राजलक्ष्मी ट्रान्सपोर्टचे समोर, रुपीनगर, तळवडे, पुणे) यांनी फिर्याद दिली आहे.
फिर्यादीनुसार, त्यांचा रुम पार्टनर सोमनाथ याच्या मोबाईलवर आरोपी सुनील मेंगडे (रा. गणेशनगर) याने फोन करून फिर्यादीस 'तुमच्यात दम असेल तर तुम्ही त्रिवेणीनगर चौकात या' असे आव्हान दिले. फिर्यादी व त्यांचे भाचे रामा जरे, भागवत जरे व सोमनाथ खेंगरे असे त्रिवेणीनगर चौकात गेले असता, आरोपी सुनील मेंगडे, कपिल जाधव (रा. गणेशनगर), ऋषीकेश (पूर्ण नाव व पत्ता माहीत नाही) आणि अशोक मेंगडे (पत्ता माहीत नाही) यांनी त्यांना शिवीगाळ करण्यास सुरुवात केली.
फिर्यादींनी 'तुम्ही शिव्या देऊ नका' असे म्हणताच, आरोपी सुनील मेंगडे याने खाली पडलेला दगड त्यांच्या डोक्यात मारून गंभीर जखमी केले. तसेच, आरोपी ऋषीकेश याने भागवत जरे याच्या डोक्यात दगड मारून गंभीर जखमी केले. आरोपी कपिल जाधव याने लाथाबुक्क्यांनी मारहाण केली आणि आरोपी अशोक मेंगडे याने रामा जरे याच्या मोबाईलवर फोन करून धमकी दिली.
या प्रकरणी चिखली पोलीस ठाण्यात गुन्हा दाखल करण्यात आला असून, आरोपी सुनील मेंगडे आणि ऋषीकेश यांना अटक करण्यात आली आहे. पोलीस उपनिरीक्षक देवकर आणि पोलीस उपनिरीक्षक महाडिक पुढील तपास करत आहेत.
- -------------------------------------------------------------------------------------------------------- #ChikhaliCrime, #Assault, #PimpriChinchwad, #Arrest, #LawAndOrder
Reviewed by ANN news network
on
६/०६/२०२५ ०४:०९:०० PM
Rating:
कोणत्याही टिप्पण्‍या नाहीत: