पुणे: थेऊर येथील जय मल्हार हॉटेलसमोरील रोडच्या बाजूला पार्क केलेल्या टेम्पोमधून ३ लाख १ हजार ९५०/- रुपये किमतीच्या जुन्या जाळलेल्या तांब्याच्या तारांचे बंडल चोरल्याप्रकरणी तीन आरोपींना अटक करण्यात आली आहे.
या प्रकरणी एका पुरुष फिर्यादीने (वय ३७ वर्षे, रा. थेऊर, ता. हवेली) तक्रार दिली आहे. अटक करण्यात आलेल्या आरोपींमध्ये सुरज शाम जाधव (वय १९ वर्षे, रा. चव्हाण वस्ती, थेऊर, ता. हवेली, जि. पुणे), यश अजित सावंत (वय २१ वर्षे, रा. पावर हाऊस शेजारी, थेऊर, ता. हवेली, जि. पुणे) आणि महेश बसवराज पुजारी (वय २२ वर्षे, रा. पावर हाऊस शेजारी, चव्हाण वस्ती, थेऊर, ता. हवेली, जि. पुणे) यांचा समावेश आहे.
दि. ०६/०६/२०२५ रोजी रात्री ११:०० वाजल्यापासून ते दि. ०७/०६/२०२५ रोजी सकाळी ०६:३० वाजण्याच्या दरम्यान मौजे थेऊर, ता. हवेली, जि. पुणे गावच्या हद्दीत जय मल्हार हॉटेलसमोरील रोडच्या बाजूला असलेल्या जागेत ही चोरी झाली. फिर्यादीच्या नमूद ठिकाणी पार्क केलेल्या टेम्पोमधून नमूद आरोपींनी जुन्या जाळलेल्या तांब्याच्या तारांचे ४९५ किलो वजनाचे बंडल, ज्याची किंमत ३,०१,९५०/- रुपये आहे, ते चोरून नेले.
या प्रकरणी लोणीकाळभोर स्टेशनमध्ये गुन्हा क्रमांक २५०/२०२५ अन्वये भारतीय न्याय संहिता कलम ३०३ (२) (चोरी) प्रमाणे गुन्हा दाखल करण्यात आला आहे.
पुढील तपास उपनिरीक्षक अनिल जाधव करत आहेत.
- -----------------------------------------------------------------------------------------------------
- Crime, Theft, Copper Theft, Arrest, Loni Kalbhor, Pune, Metal Theft
- #CopperTheft, #LoniKalbhorCrime, #Theft, #PunePolice, #Arrest
Reviewed by ANN news network
on
६/११/२०२५ ०९:११:०० PM
Rating:
कोणत्याही टिप्पण्‍या नाहीत: