पिंपरी-चिंचवड (प्रतिनिधी) - प्राधिकरण, निगडी येथे प्राधिकरण ज्येष्ठ नागरिक संघ आणि मधुमेह संघटना यांच्या संयुक्त विद्यमाने जागतिक परिचारिका दिन उत्साहात साजरा करण्यात आला. माउली उद्यानातील ॐकार सभामंडपात आयोजित या कार्यक्रमात अनेक सेवानिवृत्त परिचारिकांचा सन्मान करण्यात आला.
कार्यक्रमाची सुरुवात दीपप्रज्वलन आणि आशा नष्टे यांच्या स्वागत गीताने झाली. नर्सिंग कॉलेज ऑफ तळेगावच्या प्राचार्या सौ. मोनालिसा पारगे या कार्यक्रमाच्या अध्यक्षस्थानी होत्या. मधुमेह संघटनेचे अध्यक्ष डॉ. दिगंबर इंगोले आणि ज्येष्ठ नागरिक संघाचे अध्यक्ष आनंदराव मुळूक यांनी यावेळी आपले विचार व्यक्त केले. पाहुण्यांचा परिचय डॉ. ज्योती इंगोले यांनी करून दिला.
संस्थेच्या सदस्या सौ. आशा नष्टे यांनी ज्येष्ठ नागरिक संघाला दिलेल्या २५ हजार रुपयांच्या देणगीच्या व्याजातून या कार्यक्रमात सर्व परिचारिकांचा सत्कार करण्यात आला. परिचारिका म्हणून काम करून निवृत्त झालेल्या आणि आजही कुटुंब व समाजासाठी कार्यरत असलेल्या सौ. आशा नष्टे, माधुरी डिसोजा, रजनी कोटस्थाने, अरुणा पंडित, सविता साठे, पुष्पलता सूर्यवंशी, वत्सला वाघचौरे, शोभना जोशी यांचा यावेळी गौरव करण्यात आला.
उपस्थित परिचारिकांनीही आपले मनोगत व्यक्त केले. कार्यक्रमात कै. रामचंद्र लोहार यांचा मरणोत्तर सत्कार त्यांच्या कुटुंबीयांनी स्वीकारला. पत्रकार साळुंखे आणि संजय जगताप यांचाही यावेळी सत्कार करण्यात आला.
कार्यक्रमाचे सूत्रसंचालन नरेंद्र मिसाळ यांनी केले, तर शंकर नरूटे यांनी आभार प्रदर्शन केले. संघाच्या प्रार्थनेने आणि उपस्थितांच्या सहकार्याने कार्यक्रमाची सांगता झाली.
--------------------------------------
Reviewed by ANN news network
on
५/१३/२०२५ ०२:३१:०० PM
Rating:
कोणत्याही टिप्पण्‍या नाहीत: