किवळे ट्रान्सिट कॅम्प परवानगी रद्द करा - मनसेची महापालिकेकडे मागणी

 

देहुरोड : किवळे येथील सर्वे नंबर ७३/२ ब, प्रभाग क्रमांक १६ मधील ट्रान्सिट कॅम्प (तात्पुरती छावणी) उभारणीसाठी देण्यात आलेली परवानगी रद्द करावी, अशी मागणी महाराष्ट्र नवनिर्माण सेनेचे शहर संघटक विनोद भंडारी यांनी पिंपरी-चिंचवड महापालिका शहर अभियंता मकरंद निकम यांच्याकडे निवेदनाद्वारे केली आहे.

महापालिकेकडून किवळे येथे देण्यात आलेल्या परवानगीतील नियमानुसार ट्रान्सिट कॅम्प खडक परिसराच्या पाच किमीच्या अंतरावर असणे आवश्यक आहे. परंतु या नियमाची अंमलबजावणी होताना दिसत नाही, असे निवेदनात म्हटले आहे.

सदर कॅम्पला प्रभागातील नागरिकांचा विरोध असून ट्रान्सिट कॅम्पमुळे सोसायटीधारक आणि बांधकाम व्यावसायिकांमध्ये मोठ्या प्रमाणात संघर्ष निर्माण होण्याची शक्यता आहे. स्थानिक नागरिकांच्या विरोधात असल्याने या ठिकाणी कायदा व सुव्यवस्थेचा प्रश्न निर्माण होऊ शकतो, असेही निवेदनातून स्पष्ट करण्यात आले आहे.

--------------------------------------

#MNS 

#PimpriChinchwad 

#TransitCamp 

#Kiwale 

#PuneNews 

#PCMC 

#UrbanDevelopment 

#MaharashtraPolitics