पत्नी आणि मुलीची हत्या करून पित्याची आत्महत्या; व्हिडिओमध्ये सांगितले कारण

 

उल्हासनगरात धक्कादायक घटना: आर्थिक विवंचनेत पित्याने पत्नी, मुलीची हत्या करून आत्महत्या केली

उल्हासनगर: कॅम्प नंबर एक परिसरात गुरुवारी मध्यरात्री एक हृदयद्रावक घटना उघडकीस आली आहे. आर्थिक विवंचनेत असलेल्या पवन पहुजा नामक व्यक्तीने पत्नी नेहा आणि मुलगी रोशनी यांची हत्या केली, त्यानंतर स्वतः राहत्या घरात गळफास घेऊन आत्महत्या केली.

पवन पहुजा हा सोनार गल्ली परिसरात एका दुकानात कामाला होता. पोलिसांनी दिलेल्या माहितीनुसार, गुरुवारी मध्यरात्री पवनने पत्नी आणि मुलीची हत्या केली. त्यानंतर त्याने स्वतः जीवन संपवले.

या घटनेची माहिती मिळताच उल्हासनगर पोलिसांनी तातडीने घटनास्थळी धाव घेतली. पोलिसांनी पंचनामा करून तिन्ही मृतदेह शवविच्छेदनासाठी उल्हासनगरच्या शासकीय रुग्णालयात पाठवले आहेत.

दरम्यान, धक्कादायक बाब म्हणजे पवनने आत्महत्या करण्यापूर्वी आपल्या मोबाईलमध्ये एक व्हिडिओ रेकॉर्ड केला होता. या व्हिडिओमध्ये त्याने आपण आर्थिक अडचणींमुळे हे टोकाचे पाऊल उचलत असल्याचे सांगितले आहे.

उल्हासनगर पोलिसांनी या प्रकरणी आकस्मिक मृत्यूची नोंद (ADR) केली असून पुढील तपास सुरू केला आहे. या घटनेमुळे परिसरात शोककळा पसरली आहे.

------------------------------------

#उल्हासनगर 

#हत्या 

#आत्महत्या 

#आर्थिकविंचना 

#कौटुंबिकहिंसा 

#पोलीस 

#Maharashtra 

#Ulhasnagar 

#Murder 

#Suicide 

#FinancialCrisis 

#DomesticViolence 

#PoliceInvestigation