बकरी ईद: मुंबई पूर्व उपनगरात वाहतुकीचे नियमन; जड वाहनांना प्रवेशबंदी

 

मुंबई: बकरी ईद सणाच्या पार्श्वभूमीवर मुंबई पूर्व उपनगरात वाहतुकीचे नियमन करण्यात आले आहे. पोलीस उपायुक्त (पूर्व उपनगरे) यांनी याबाबत आदेश जारी केले आहेत. कुर्बानीसाठी येणारी जनावरे वाहून नेणारी वाहने आणि इतर वाहतूक सुरळीत राहावी, यासाठी मानखुर्द-घाटकोपर लिंक रोड आणि परिसरातील काही रस्त्यांवर जड व मालवाहनांना प्रवेशबंदी करण्यात आली आहे. हे नियम २६ मे २०२५ ते १ जून २०२५ पर्यंत लागू राहतील.

प्रवेश बंदी असलेले मार्ग (२४ तास):

१. वामन तुकाराम पाटील मार्ग - पांजरपोळ जंक्शन ते गोवंडी रेल्वे स्टेशन पश्चिम रोडवरील झटका गेट जंक्शनपर्यंत. २. गोतमनगर रोड - शिवाजीनगर जंक्शन ते गोवंडी रेल्वे स्टेशन पश्चिम रोडवरील झटका गेट जंक्शनपर्यंत. ३. पेरीफेरी मार्ग - एरीस जंक्शन ते गोवंडी रेल्वे स्टेशन पश्चिम रोडवरील झटका गेट जंक्शनपर्यंत. ४. देवनार रोड/गोवंडी स्टेशन पश्चिम रोड - तालाजी मालुसरे चौक ते गोवंडी रेल्वे स्टेशन रोडवरील झटका गेट जंक्शनपर्यंत (बेस्ट बस आणि जनावरे वाहतूक करणारी वाहने वगळता).

एक दिशा मार्ग (२६ मे ते १ जून):

गोवंडी स्टेशन पश्चिम रोड - तालाजी मालुसरे चौक ते गोवंडी रेल्वे स्टेशन ते झटका गेटसमोर आवश्यकतेनुसार एकेरी वाहतूक राहील.

पर्यायी मार्ग:

प्रवेशबंदी असलेल्या मार्गांसाठी पर्यायी मार्ग खालीलप्रमाणे असतील:

१. वामन तुकाराम पाटील मार्गावरून जाणारी वाहने व्ही.एन. पुरव मार्ग, सायन पनवेल महामार्ग, घाटकोपर-मानखुर्द लिंक रोडचा वापर करतील. २. गोतमनगर रोडने जाणारी वाहने घाटकोपर-मानखुर्द लिंक रोडने छेडानगर जंक्शनमार्गे जातील. ३. पेरीफेरी मार्गावरून जाणारी वाहने घाटकोपर-मानखुर्द लिंक रोडने छेडानगर जंक्शनमार्गे जातील. ४. देवनार रोड/गोवंडी स्टेशन पश्चिम रोडने जाणारी वाहने घाटकोपर-मानखुर्द लिंक रोडने छेडानगर जंक्शनमार्गे जातील.

जनावरे वाहतूक करणाऱ्या वाहनांसाठी सूचना:

देवनार पशुवधगृहात जनावरे उतरवल्यानंतर वाहनांनी पेरीफेरी मार्गाने गोतम रोडचा वापर करावा. मुंबई, ठाणे व नवी मुंबईकडून येणाऱ्या वाहनांनी छेडानगर मार्गे घाटकोपर-मानखुर्द लिंक रोडचा वापर करावा. मधुकर कदम मार्ग दुतर्फा वाहतुकीसाठी खुला राहील.

पार्किंग प्रतिबंध:

देवनार पशुवधगृहाजवळ वाहतूक कोंडी टाळण्यासाठी खालील मार्गांवर दोन्ही बाजूस पार्किंगला प्रतिबंध असेल:

१. पेरीफेरी मार्ग. २. गोवंडी स्टेशन पश्चिम रोड. ३. गोतमनगर रोड. ४. मधुकर कदम मार्ग (कोणत्याही जंक्शनपासून तालाजी मालुसरे चौकापर्यंत). ५. वामन तुकाराम पाटील मार्ग (बोराबंदरी जंक्शन ते झटका गेट जंक्शनपर्यंत) आणि गोवंडी रेल्वे स्टेशन ब्रिजवरील सर्व मार्ग.

पार्किंग व्यवस्था:

पेरीफेरी रोडवरील करतलखाना आणि ६०० टेनामेंट बिल्डिंगजवळ जनावरे आणणाऱ्या व खरेदीदारांच्या वाहनांसाठी तात्पुरती पार्किंग व्यवस्था असेल.

--------------------------------------

#BakriEid2025 

#MumbaiTraffic 

#TrafficAdvisory 

#MumbaiPolice 

#DeonarAbattoir 

#GhatkoparMankhurd 

#TrafficRestrictions 

#LivestockTransport 

#ParkingArrangements 

#EidPreparations