पुणे, दि. २८: चाकण औद्योगिक क्षेत्रातील एमआर सुर्या इलेक्ट्रॉनिक्स प्रा. लि. या कंपनीत अज्ञात चोरट्यांनी घरफोडी करून १ लाख ८५ हजार ८०० रुपयांची रोकड चोरून नेली. ही घटना २६ मे २०२५ रोजी रात्री १०.३० ते २७ मे २०२५ रोजी सकाळी ७.०० वाजेच्या दरम्यान घडली.
पोलिसांनी दिलेल्या माहितीनुसार, एमआर सुर्या इलेक्ट्रॉनिक्स कंपनीचे मालक यांनी २७ मे रोजी सायंकाळी पोलिसांत चोरीची तक्रार दाखल केली. तक्रारीनुसार, अज्ञात चोरट्यांनी कंपनीच्या शटरचे लॉक तोडून आत प्रवेश केला आणि कॅश काउंटरमधील ड्रॉवर उचकटून त्यातील १ लाख ८५ हजार ८०० रुपयांची रोकड चोरून नेली.
याप्रकरणी चाकण पोलीस ठाण्यात भारतीय न्याय संहिता कलम ३३१(३), ३३१ (४) आणि ३०५ (a) अन्वये गुन्हा दाखल करण्यात आला आहे. पोलीस उपनिरीक्षक बुरूड या घटनेचा अधिक तपास करत आहेत. चोरट्यांचा शोध घेण्यासाठी परिसरातील सीसीटीव्ही फुटेज तपासले जात आहेत.
-----------------------------------------------------------------------------------------------
#ChakanCrime #Theft #Burglary #PuneCrime #ElectronicsCompany
Reviewed by ANN news network
on
५/२८/२०२५ ०४:५१:०० PM
Rating:
कोणत्याही टिप्पण्या नाहीत: