मुख्यमंत्र्यांच्या अध्यक्षतेखाली आज शहरी प्रशासन परिषद पुण्यात

 

पुणे: मुख्यमंत्री श्री. देवेंद्र फडणवीस यांच्या अध्यक्षतेखाली आज, गुरुवार १५ मे २०२५ रोजी राज्यातील सर्व महापालिका आयुक्त आणि नगरपरिषद मुख्याधिकाऱ्यांची महत्वपूर्ण परिषद पुण्यातील यशदा संस्थेमध्ये पार पडणार आहे. ही बैठक दुपारी १.४५ वाजता आयोजित करण्यात आली आहे.

राज्यातील शहरी प्रशासन, नागरी सुविधांची उन्नती, आणि आगामी विकास योजना यावर सखोल चर्चा होण्याची शक्यता आहे. या परिषदेमध्ये विविध शहरे व नगरपरिषदांच्या प्रशासनिक कामकाजाचा आढावा घेण्यात येणार असून, मुख्यमंत्री फडणवीस स्वतः या चर्चेला मार्गदर्शन करणार आहेत.

यशदा (यशवंतराव चव्हाण अकादमी ऑफ डेव्हलपमेंट अ‍ॅडमिनिस्ट्रेशन), पुणे येथे ही बैठक आयोजित करण्यात येत असून, सर्व वरिष्ठ नगरविकास अधिकारी, आयुक्त आणि मुख्याधिकारी यांची उपस्थिती अपेक्षित आहे.

शहर आणि नगरपरिषदांच्या माध्यमातून होणाऱ्या योजनांची अंमलबजावणी, नागरिकांना मिळणाऱ्या सेवा आणि राज्य शासनाच्या धोरणांची अंमलबजावणी या बैठकीचा मुख्य उद्देश असल्याचे सूत्रांकडून कळते.

-------------------------------------

#DevendraFadnavis 

#UrbanGovernance 

#PuneEvents 

#YASHADA 

#MunicipalMeeting 

#MaharashtraCM 

#PuneNews 

#SmartCityIndia