वानवडीत जबरी चोरी: अज्ञात व्यक्तीने मारहाण करून ३५०० रुपये लुटले

वानवडी: वानवडी पोलीस ठाण्याच्या हद्दीत २७ मे २०२५ रोजी रात्री ११:३० वाजता एएफएमसी बस स्टॉप भैरोबानाला, फातीमानगर परिसरात जबरी चोरी आणि मारहाणीची घटना घडली आहे. या घटनेत एका व्यक्तीला मारहाण करून त्याच्याकडील ३५०० रुपये रोख रक्कम जबरदस्तीने लुटण्यात आली आहे.

पोलिसांनी दिलेल्या माहितीनुसार, फिर्यादी चिंचेच्या झाडाखाली फुटपाथवर थांबला होता. त्यावेळी एका अज्ञात व्यक्तीने त्याच्याजवळ येऊन त्याला मारहाण केली आणि शिवीगाळ करत हत्याराचा धाक दाखवला. आरोपीने धमकावून फिर्यादीच्या खिशातील ३५०० रुपये जबरदस्तीने काढून घेतले आणि घटनास्थळावरून पळून गेला.

या जबरी चोरीच्या प्रकरणी वानवडी पोलीस ठाण्यात अज्ञात आरोपीविरुद्ध गुन्हा दाखल करण्यात आला आहे. पोलीस उपनिरीक्षक आशिष जाधव  या गुन्ह्याचा पुढील तपास करत आहेत. पोलीस प्रशासन आरोपीच्या शोधात असून, लवकरच त्याला अटक करण्याचे प्रयत्न सुरू आहेत.

----------------------------------------------------------------------------------------------------------

#VanwadiPolice #ArmedRobbery #StreetCrime #CashTheft #Assault #PuneCrime #AFMC