अश्विनी जगताप यांचा पिंपळे गुरवमध्ये झंझावाती प्रचार दौरा

 

चिंचवडच्या विकासासाठी महायुतीला मतदानाचे आवाहन

चिंचवड : "सर्वांच्या साथीने; चिंचवड विधानसभेचा विकास करूया गतीने" या घोषणेसह आमदार अश्विनी जगताप यांनी महायुतीचे उमेदवार शंकर जगताप यांच्या प्रचारार्थ पिंपळे गुरव परिसरात दौरा केला.

प्रभाग क्र. २९ मधील सुदर्शन नगर, वैदू वस्ती, गुलमोहोर कॉलनी यांसह विविध भागांत त्यांनी नागरिकांशी संवाद साधला. दिवंगत आमदार लक्ष्मणभाऊ जगताप यांनी सुरू केलेल्या विकासकामांना पुढे नेण्यासाठी शंकर जगताप यांना संधी देण्याचे आवाहन त्यांनी केले.

माजी नगरसेवक शशिकांत कदम, सागर अंघोळकर, माजी नगरसेविका उषा मुंडे यांच्यासह अनेक कार्यकर्ते या दौऱ्यात सहभागी झाले होते.

स्थानिक महिला, ज्येष्ठ नागरिक आणि युवकांशी संवाद साधताना अश्विनी जगताप यांनी शंकर जगताप यांच्या समाजोपयोगी कार्याचा आढावा घेतला आणि भविष्यातील विकास योजनांची माहिती दिली.

पिंपळे गुरवमधील रहिवाशांनी या दौऱ्याला उत्स्फूर्त प्रतिसाद देत शंकर जगताप यांच्या विजयासाठी प्रयत्न करण्याचा निर्धार व्यक्त केला.