सांगवीकरांचा आशीर्वाद घेत जगताप यांचा जनसंपर्क

 

नवी सांगवीत जगताप यांच्या प्रचाराला उत्स्फूर्त प्रतिसाद

चिंचवड : चिंचवड विधानसभा मतदारसंघातील महायुतीचे उमेदवार शंकर जगताप यांच्या नवी सांगवीतील प्रचार रॅलीला मोठा प्रतिसाद मिळाला. मतदारांशी घरोघरी संवाद साधत त्यांनी आशीर्वाद घेतले.

"चिंचवड विधानसभेतील बंधू-भगिनी आणि सर्वसामान्य जनता माझ्या हृदयात आहे. त्यांच्या विश्वासामुळेच लढण्याची ताकद मिळाली आहे," असे जगताप म्हणाले.

एम.के. चौक, समता नगर, गणेश नगर, कीर्ती नगर परिसरात त्यांनी मतदारांशी संवाद साधला. महिलांनी त्यांचे औक्षण केले.

माजी नगरसेवक राजेंद्र राजापुरे, अंबरनाथ कांबळे यांच्यासह अनेक कार्यकर्ते उपस्थित होते. स्व. लक्ष्मणभाऊ जगताप यांच्या प्रेरणेने जास्तीत जास्त मतांनी विजय मिळवण्याचा विश्वास जगताप यांनी व्यक्त केला.