पुण्यातील लघुउद्योजकांसाठी जस्टडायलचा डिजिटल आधार

 

डिजिटल क्रांतीत जस्टडायलचे योगदान; पुण्यातील व्यवसायांना मिळतेय बळ

पुणे (प्रतिनिधी) : पुण्यातील सूक्ष्म, लघु आणि मध्यम उद्योग (एमएसएमई) क्षेत्राला डिजिटल माध्यमातून नवी दिशा देण्याचे काम जस्टडायल या कंपनीने केले आहे. शहरातील सुमारे ७.५ लाख नोंदणीकृत एमएसएमईंना डिजिटल प्लॅटफॉर्मद्वारे व्यवसाय वाढीसाठी मदत केली जात आहे.

'पूर्वेचे ऑक्सफर्ड' म्हणून ओळखल्या जाणाऱ्या पुण्यात माहिती तंत्रज्ञान, उत्पादन आणि वाहन उद्योग क्षेत्रात गेल्या काही वर्षांत लक्षणीय प्रगती झाली आहे. आशिया-पॅसिफिक क्षेत्रातील सर्वाधिक वेगाने विकसित होणाऱ्या शहरांमध्ये पुण्याचा समावेश असून, स्टार्टअप हब म्हणूनही शहराची ओळख निर्माण होत आहे.

"गेल्या दहा वर्षांपासून वॉटर प्युरिफायर व्यवसायात असून, जस्टडायलच्या माध्यमातून दररोज ८ ते १० दर्जेदार ग्राहक मिळत आहेत," असे मॉडर्न वॉटर प्युरिफायरचे मालक प्रशांत पवार यांनी सांगितले.

एव्हरग्रीन एंटरप्रायझेसचे मालक स्वप्नील कुडाळे यांनी २००९ पासून जस्टडायलसोबत असलेल्या भागीदारीचा उल्लेख करत सुरुवातीच्या १२,००० रुपयांच्या पॅकेजवरून ३ लाख रुपयांपर्यंत प्रगती केल्याचे नमूद केले.

हॉटेल रेस्ट इनचे मालक समाधान पिंजारी यांनीही जस्टडायलमुळे व्यवसायात झालेल्या वाढीबद्दल समाधान व्यक्त केले. "योग्य प्रकारचे ग्राहक मिळाल्यामुळे व्यवसायात चांगली वाढ झाली आहे," असे त्यांनी सांगितले.

डिजिटल प्लॅटफॉर्मच्या माध्यमातून व्यवसायांची दृश्यमानता वाढवून, ग्राहकांपर्यंत पोहोचण्यास मदत करणारी ही सेवा पुणे शहरातील अनेक व्यवसायांसाठी वरदान ठरत आहे.