पुणे येथे १७ मे रोजी मोहिनीअट्टम आणि लावणी नृत्य

 

भारतीय विद्या भवन,इन्फोसिस फाऊंडेशनचा सांस्कृतिक प्रसार उपक्रम 

पुणे ः भारतीय विद्या भवन आणि इन्फोसिस फाऊंडेशनच्या सांस्कृतिक प्रसार उपक्रमांतर्गत मोहिनीअट्टम आणि लावणी नृत्य   कार्यक्रमाचे आयोजन दि.१७ मे  २०२४ रोजी   करण्यात आले आहे.इंडियन कौन्सिल फॉर कल्चरल रिलेशन्सतर्फे हा कार्यक्रम प्रस्तुत केला जाणार आहे.डॉ.माधुरी देशमुख-पाटील या मोहिनीअट्टम सादर करणार आहेत तर राजेंद्र केशवराव बडगे आणि सहकारी लावणी नृत्य सादर करणार आहेत.

हा कार्यक्रम शुक्रवार, दि.१७ मे   २०२४ रोजी सायंकाळी साडेपाच  वाजता  भारतीय विद्या भवनचे सरदार महादेव बळवंत नातू सभागृह,(सेनापती बापट रस्ता) येथे  होणार आहे.हा कार्यक्रम विनामूल्य आहे.भारतीय विद्या भवन आणि इन्फोसिस फाऊंडेशनच्या सांस्कृतिक प्रसार कार्यक्रमांतर्गत सादर होणारा हा २०७ वा कार्यक्रम  आहे.भारतीय विद्या भवनचे मानद सचिव प्रा.नंदकुमार काकिर्डे यांनी पत्रकाद्वारे  ही माहिती दिली.