बेशिस्त रिक्षाचालकांना शिस्त लावण्यासाठी मुंबई पोलिसांची खास मोहीम

मुंबई : बृहन्मुंबई पोलिसांच्या वाहतूक शाखेने शहरातील बेशिस्त रिक्षाचालकांना शिस्त लावण्यासाठी विशेष मोहीम राबविण्यात आली.

८ ते २२ एप्रिल या कालावधीत ही मोहीम राबविण्यात आली. जवळचे भाडे नाकारणे, गणवेश परिधान न करणे, बॅच न लावणे, रिक्षाची कागदपत्रे जवळ न बाळगणे आदी प्रकरणी या मोहिमेमध्ये ५२ हजार १८९ रिक्षाचालकांवर कारवाई करण्यात आली. 

यामध्ये भाडे नाकारणार्‍या ३२ हजार ६५८, विनागणवेश रिक्षा चालविणार्‍या ५ हजार २६८, जादा प्रवासी वाहतूक करणार्‍या ८ हजार ६५० आणि इतर कारणांसाठी ५ हजार ६१३ चालकांवर कारवाई करण्यात आली. भाडे नाकारणार्‍या ३२ हजार ५६८ रिक्षाचालकांचे परवाने निलंबित करण्याची प्रक्रिया सुरू करण्यात आली आहे.