पिंपरी : पिंपरी चिंचवड शहरातील माजी नगरसेवक आणि पुरोगामी, विद्रोही तसेच शेतकरी, कामगार चळवळीतील पुढारी मारुती भापकर यांच्यावर अलिकडे शहरातील पोलिसयंत्रणेचे प्रेम फ़ारच वाढले आहे. त्याला कारणही तसेच आहे.
सत्तेतील कोणताही नेता शहरात आला की भापकर आपल्या कार्यकर्त्यांसह त्याच्यासमोर निदर्शने करायला पुढे सरसावतात. त्यामुळे प्रशासनाची पंचाईत होते. यावर उपाय म्हणून अलिकडे पोलिसांनी शहरात कोणत्याही नेत्याचा दौरा असला की भापकर यांना स्थानबद्ध करून ठेवण्यास सुरुवात केली आहे. अलिकडेच केंद्रीय गृहमंत्री अमित शाह शहरात आले होते. त्यावेळी भापकर यांना त्याच्या घरातच स्थानबद्ध करून ठेवण्यात आले होते.
आज राज्यपाल रमेश बैस शहरात येणार असल्यामुळे पोलिसांनी भापकर यांच्यासह शिवशंकर उबाळे यांना सकाळी आठ वाजताच ताब्यात घेतले आहे. लोकशाहीतील शांततापूर्ण मार्गाने निदर्शने करण्याच्या नागरिकांच्या अधिकारावर ही गदा आहे. नागरिकांची मुस्कटदाबी आहे असे भापकर यांचे म्हणणे आहे.
Reviewed by ANN news network
on
८/१४/२०२३ १२:०१:०० PM
Rating:
कोणत्याही टिप्पण्या नाहीत: