पुण्यात बंद घरांचे दरवाजे तोडून चोऱ्या करणारा सराईत घरफोड्या जेरबंद; १६ लाखांचे दागिने जप्त, ५ गुन्हे उघडकीस

पुणे (विशेष प्रतिनिधी): पुणे शहरातील विविध पोलीस ठाण्यांच्या हद्दीत बंद घरांची कुलपे व दरवाजे तोडून लाखोंच्या सोन्याच्या दागिन्यांवर डल्ला मारणाऱ्या एका सराईत घरफोड्याला विश्रामबाग पोलिसांनी अत्यंत शिताफीने अटक केली आहे. जगदिशसिंग नमनसिंग कलानी असे अटक करण्यात आलेल्या ३४ वर्षीय आरोपीचे नाव असून त्याच्याकडून विश्रामबाग, भारती विद्यापीठ आणि विश्रांतवाडी पोलीस ठाण्यातील एकूण ५ घरफोडीचे गुन्हे उघडकीस आले आहेत. पोलिसांनी त्याच्याकडून १६ लाख रुपये किंमतीचे सोन्याचे दागिने जप्त केले आहेत.

विश्रामबाग पोलीस ठाण्यात भारतीय न्याय संहिता कलम ३०५ (अ), ३३१(३), ३३१ (४) अन्वये घरफोडीचा गुन्हा नोंदवण्यात आला होता, ज्यामध्ये घरमालक बाहेर गेले असताना अज्ञात चोरट्याने दरवाजा तोडून घरातील ऐवज पळवला होता. या गुन्ह्याचा गांभीर्याने तपास करण्याचे आदेश वरिष्ठ पोलीस निरीक्षक नवनाथ जगताप यांनी तपास पथकाचे अधिकारी सहाय्यक पोलीस निरीक्षक उमेश कारके यांना दिले होते.

येवलेवाडीत छापा टाकून आरोपीला ठोकल्या बेड्या

तपास पथकातील पोलीस हवालदार नितीन मुंढे आणि पोलीस अंमलदार अनिस शेख यांना त्यांच्या गोपनीय बातमीदाराकडून पक्की बातमी मिळाली की, या घरफोडीतील संशयित आरोपी टिळेकरनगर, येवलेवाडी येथील पाण्याच्या टाकीजवळ पत्राच्या घरात राहत आहे. सहाय्यक निरीक्षक उमेश कारके यांनी वरिष्ठ निरीक्षक नवनाथ जगताप यांच्या परवानगीने तात्काळ पथकासह येवलेवाडी येथे धाड टाकून संशयिताला ताब्यात घेतले.

त्याची सखोल चौकशी केली असता त्याने आपले नाव जगदिशसिंग नमनसिंग कलानी (वय ३४, रा. टिळेकरनगर, कोंढवा, पुणे) असे सांगितले गुन्ह्याच्या अनुषंगाने पोलिसी हिसका दाखवून चौकशी केली असता त्याने घरफोडीची कबुली दिली

५ घरफोडीच्या गुन्ह्यांचा उलगडा

आरोपीला अटक करून कसून तपास केला असता त्याने पुणे शहरात केलेले खालील ५ गुन्हे उघडकीस आले आहेत: १) विश्रामबाग पोलीस ठाणे (गु.र.नं २२८/२०२६)

२) विश्रामबाग पोलीस ठाणे (गु.र.नं १७४/२०२५)

३) विश्रामबाग पोलीस ठाणे (गु.र.नं ३५९/२०२५)

४) भारती विद्यापीठ पोलीस ठाणे (गु.र.नं ५६७/२०२५)

५) विश्रांतवाडी पोलीस ठाणे (गु.र.नं १५५/२०२५)

पोलीस पथकाने आरोपीच्या ताब्यातून या सर्व गुन्ह्यांमधील १६,००,००० रुपये किंमतीचे सोन्याचे दागिने पूर्णतः जप्त केले आहेत.

ही यशस्वी कारवाई अप्पर आयुक्त (पश्चिम प्रादेशिक विभाग) राजेश बनसोडे, उपआयुक्त (परिमंडळ १) कृषीकेश रावले, सहाय्यक आयुक्त अनुजा देशमाने यांच्या मार्गदर्शनाखाली वरिष्ठ निरीक्षक नवनाथ जगताप,  निरीक्षक विकास भिंगारदिवे, रमेश लाहिगुडे, सहाय्यक निरीक्षक उमेश कारके, उपनिरीक्षक सत्यवान गेंड, मेहबूब मोकाशी, अंमलदार सचिन कदम, नितीन मुंढे, महेश कदम, शैलेश सुर्वे, शशीकांत दरेकर, कैलास डुकरे, जाकीर मणियार, अनिस शेख, शिवदत्त गायकवाड, सागर मोरे, अर्जुन थोरात आणि महिला अंमलदार रेश्मा दिवटे यांनी केली.

• Labels: Pune Crime News, Vishrambaug Police, House Break In Pune, Gold Recovered Pune, Jagdishsingh Kalani

• Search Description: Vishrambaug Police Station Pune solves 5 housebreak cases, arrests Jagdishsingh Kalani and recovers gold jewelry worth Rs 16 Lakhs.

• Hashtags: #PuneCrime #VishrambaugPolice #HousebreakingSolved #GoldRecovery #PuneNews #PoliceAction