हडपसर तुकाई दर्शन येथून अल्पवयीन मुलगी बेपत्ता

पुणे: हडपसर भागातील तुकाई दर्शन, गणेश कॉलनी येथून १४ वर्षीय अल्पवयीन मुलगी घरातून कोणालाही काही न सांगता निघून गेली असून ती अद्याप घरी परत आलेली नाही. या प्रकरणी मुलीला अज्ञात इसमाने कायदेशीर रखवालीतून फूस लावून पळवून नेल्याचा संशय असून काळेपडळ पोलीस ठाण्यात अज्ञात आरोपीविरुद्ध अपहरणाचा गुन्हा नोंदवण्यात आला आहे.

काळेपडळ पोलीस ठाण्याकडून मिळालेल्या माहितीनुसार, तक्रारदार राजू खंडू पवार (वय ४८ वर्षे, व्यवसाय-नोकरी, रा. कुंदन माने यांच्या घरी भाड्याने, गणेश कॉलनी, लेन नं. ०२, गजानन महाराज मंदिराजवळ, तुकाई दर्शन, हडपसर, पुणे) यांनी आपली १४ वर्षीय मुलगी बेपत्ता झाल्याबाबत काळेपडळ पोलिसांत तक्रारी जबाब दिला आहे.

त्यांची अल्पवयीन मुलगी मिनाक्षी राजू पवार (वय १४ वर्षे, जन्मतारीख २१/०४/२०१३) ही घरात कोणालाही काही न सांगता निघून गेली आहे. सर्वत्र शोध घेऊनही ती सापडली नाही. तिला कोणीतरी अज्ञात इसमाने अज्ञात कारणावरून कशाची तरी फूस लावून कायदेशीर रखवालीतून पळवून नेले असल्याची तक्रार तिच्या वडिलांनी दिली. त्यावरून काळेपडळ पोलीस ठाण्यात गुन्हा नोंद नंबर २२९/२०२६ भारतीय न्याय संहिता (BNS) कलम १३७(२) अन्वये गुन्हा दाखल करण्यात आला आहे.

अपहृत मुलीचे वर्णन:
नाव: कु. मिनाक्षी राजू पवार (वय १४ वर्षे, जन्मतारीख २१/०४/२०१३)
उंची: ४.५ फूट, बांधा मजबूत, चेहरा गोल.
केस: काळे व खांद्यापर्यंत.
कपडे: पांढऱ्या रंगाचा टॉप, लाल रंगाची पॅन्ट, लाल रंगाची ओढणी, पायात काळ्या रंगाची चप्पल.
भाषा: मराठी बोलता व समजता येते.
इतर: जवळ कोणतीही मौल्यवान वस्तू, पैसे किंवा मोबाईल नाही.

सदर वर्णनाची मुलगी कोणाला दिसून आल्यास किंवा तिच्याबाबत काहीही सुगावा लागल्यास काळेपडळ पोलीस ठाणे अथवा जवळच्या पोलीस ठाण्याशी तात्काळ संपर्क साधावा, असे आवाहन काळेपडळ पोलीस ठाण्याचे पोलीस उपनिरीक्षक विनायक गुरव आणि वरिष्ठ अधिकाऱ्यांनी केले आहे.

• Labels: Kalepadal Police Station, Hadapsar Missing Girl, Minakshi Pawar Missing, Pune Kidnapping Case, Pune Missing Report

• Search Description: 14-year-old Minakshi Raju Pawar missing from Hadapsar Tukai Darshan. Kalepadal Police register kidnapping case under BNS 137(2).

• Hashtags: #PunePolice #MissingGirl #Hadapsar #KalepadalPolice #PuneNews #MinakshiPawar