घरमालकांना भाडेकरूंची ऑनलाईन माहिती देणे बंधनकारक

मुंबई | २७ जुलै २०२६ : मुंबईतील निवासी भागात समाजकंटक किंवा असामाजिक घटक भाडेकरूंच्या वेशात लपून राहण्याची आणि सार्वजनिक शांतता भंग करण्याची शक्यता लक्षात घेता मुंबई पोलिसांनी घरमालकांसाठी कडक नियमावली जारी केली आहे. भारतीय नागरिक सुरक्षा संहिता २०२३ च्या कलम १६३ अंतर्गत पोलीस उप आयुक्त (अभियान) अकबर पठाण यांनी हे आदेश जारी केले आहेत. सदर आदेश १ ऑगस्ट २०२६ ते २९ सप्टेंबर २०२६ पर्यंत लागू राहतील.

या आदेशानुसार मुंबई पोलीस आयुक्तालयाच्या हद्दीत घर, मालमत्ता, हॉटेल, लॉज, गेस्ट हाऊस किंवा मुसाफिरखाना भाड्याने देणाऱ्या प्रत्येक मालकाने किंवा व्यापाऱ्याने आपल्या भाडेकरूंची संपूर्ण माहिती पोलिसांच्या अधिकृत सिटीझन पोर्टलवर (www.mumbaipolice.gov.in) ऑनलाईन सादर करणे बंधनकारक आहे.

भाडेकरू परदेशी नागरिक असल्यास घरमालक आणि संबंधित परदेशी नागरिकाने त्याचे नाव, राष्ट्रीयत्व, पासपोर्ट क्रमांक, जारी केलेले ठिकाण व मुदत, व्हिसा क्रमांक, व्हिसा श्रेणी आणि शहरात राहण्याचे कारण ही सर्व माहिती नोंदवणे आवश्यक आहे.

या आदेशाचे उल्लंघन करणाऱ्या किंवा माहिती लपवणाऱ्या घरमालकांवर भारतीय न्याय संहिता २०२३ च्या कलम २२३ अन्वये कायदेशीर कारवाई करण्यात येईल, असा इशारा पोलिसांनी दिला आहे.

•  Labels: Tenant Verification, Mumbai Police, Security Alert, Mumbai Real Estate, BNSS 163

• Search Description: Mumbai Police makes online tenant verification mandatory for house owners and hotels on citizen portal from August 1 to September 29, 2026.

• Hashtags: #TenantVerification #MumbaiPolice #CitySafety #MumbaiNews #RulesAndRegulations