उरण येथील विमला तलावावर रंगला 'कविकट्टा'; पावसाच्या कवितांनी रसिक मंत्रमुग्ध

 

उरण, दि. १८ जून २०२६ : कोंकण मराठी साहित्य परिषद (कोमसाप) उरण शाखेच्या वतीने आयोजित करण्यात आलेला नियमित मासिक कविकट्टा आणि भव्य कवी संमेलन उरण शहरातील ऐतिहासिक विमला तलावावर मोठ्या उत्साहात आणि आनंदमय वातावरणात संपन्न झाले. दर महिन्याच्या १७ तारखेला नियमितपणे भरणारा हा कविकट्टा प्रत्यक्ष अनुभवण्याचा आणि या उपक्रमाचे अध्यक्षपद भूषवण्याचा आगळावेगळा आनंद कोमसाप उरण शाखेमुळे मिळाला, असे गौरवोद्गार कवी संमेलनाचे अध्यक्ष जयपाल पाटील यांनी आपल्या भाषणात व्यक्त केले. विमला तलावाच्या निसर्गरम्य कट्ट्यावरील सहजता, कार्यकर्त्यांची तत्परता आणि साहित्यातील योगदान उरणची सांस्कृतिक ओळख अधिक दृढ करणारे आहे, असे त्यांनी निदर्शनास आणून दिले. या कार्यक्रमाला उरण आणि परिसरातील नामवंत साहित्यिक आणि नागरिकांची मोठी उपस्थिती होती.

या प्रसंगी साहित क्षेत्रातील बहुमोल योगदानाबद्दल आगरी ज्येष्ठ कवी पुंडलिक म्हात्रे यांना अत्यंत प्रतिष्ठेच्या 'जीवनगौरव पुरस्काराने' सर्व उपस्थितांच्या साक्षीने गौरविण्यात आले. यासोबतच, कोमसाप उरण शाखेच्या वतीने आयोजित करण्यात आलेल्या "एल्गार टोल विरुद्ध कविता" या विशेष ज्वलंत विषयावरील काव्य स्पर्धेत उल्लेखनीय कामगिरी करून बक्षीस पात्र ठरलेल्या निवडक कवींचा विशेष सन्मान करण्यात आला. यामध्ये सुनील पाटील, मनोहर म्हात्रे, न.ग. पाटील, अवंतिका महाडिक, वैभव धनावडे आणि कल्पना म्हापुसकर यांना मान्यवरांच्या हस्ते सन्मानित करून गौरवण्यात आले.

विमला तलावाच्या कट्ट्यावर संपन्न झालेल्या या मुख्य कवी संमेलनात पावसाच्या आगमनाचे स्वागत करणाऱ्या आणि विविध सामाजिक विषयांवर भाष्य करणाऱ्या कवितांचे सादरीकरण करण्यात आले. यामध्ये संजीव पाटील, अनिल भोईर, हेमंत पाटील, सुरेश मिस्त्री, रामचंद्र म्हात्रे, अनामिका राम, मनोहर म्हात्रे, नारायण पाटील, संजय होळकर आणि सुनील पाटील या कवींनी आपल्या बहारदार रचना सादर करून रसिकांची दाद मिळवली. कविकट्ट्याच्या सुरुवातीला मच्छिंद्र म्हात्रे यांनी प्रास्ताविक करून उपक्रमाची पार्श्वभूमी मांडली, तर संजय होळकर यांनी आपल्या उत्कृष्ट शैलीत संपूर्ण कार्यक्रमाचे सूत्रसंचालन केले.

या सोहळ्याला साहित्य रत्न प्रा. एल.बी. पाटील, कोकण रस्त्यांचे अभ्यासक चैतन्य उषा लक्ष्मण, प्राचार्य साहेबराव ओहोळ, भुवनेश्वर पाटील, राम म्हात्रे, देवदत्त सूर्यवंशी, मारोती तांबे, मीना ब्रीद, प्रवीण पुरो, विवेक भांडारकर, ज्येष्ठ पत्रकार घनशाम कडू आणि तृप्ती भोईर आदी मान्यवर प्रमुख अतिथी म्हणून उपस्थित होते.

• Labels: Uran Kavi Katta 2026, Komsap Uran News, Vimla Lake Uran Poetry, Vitthal Mamtabade Reporter, Pundalik Mhatre Jeevangaurav

• Search Description: Konkan Marathi Sahitya Parishad (Komsap) organizes monthly Kavi Katta and poetry meet at Vimla Lake in Uran, honoring veteran poet Pundalik Mhatre.

• Hashtags: #UranNews #KaviKatta #KomsapUran #MarathiPoetry #VimlaLake #UranLiterature #AstraNewsNetwork