वी बिझनेस भारताच्या ऊर्जा क्षेत्राला देणार चालना; पुढील तीन वर्षांत १.२ कोटी स्मार्ट मीटर्स जोडणार

मुंबई, (प्रतिनिधी): व्होडाफोन आयडिया लिमिटेडची उद्योग शाखा असलेल्या 'वी बिझनेस'ने पुढील तीन वर्षांत देशभरात १.२ कोटी स्मार्ट मीटर्स जोडण्याची महत्त्वाकांक्षी योजना जाहीर केली आहे. या निर्णयामुळे भारतातील ऊर्जा क्षेत्रात मोठे परिवर्तन घडवून आणले जाईल आणि एक मजबूत, अनुकूल तसेच पर्यावरणपूरक ऊर्जा पायाभूत सुविधा विकसित होण्यास मदत मिळेल.

हा उपक्रम 'इंडिया स्मार्ट ग्रिड मिशन'शी सुसंगत असून, 'अ‍ॅडव्हान्स्ड मीटरिंग इन्फ्रास्ट्रक्चर' (AMI) आणि 'IoT सोल्युशन्स'मध्ये नाविन्यपूर्णतेला चालना देईल. 'अ‍ॅडव्हान्स्ड प्रीपेड वीज मीटर्स'चा वापर करून एक डिजिटलदृष्ट्या सक्षम ऊर्जा परिसंस्था तयार करण्याचे ध्येय आहे. यामुळे वितरण कंपन्यांना (DISCOMs) तांत्रिक आणि व्यावसायिक तोट्यात (AT&C) घट करता येईल, तर ग्राहकांना त्यांच्या ऊर्जा वापराची त्वरित माहिती मिळेल.

या उपक्रमाच्या केंद्रस्थानी वी बिझनेसचे 'IoT स्मार्ट सेंट्रल प्लॅटफॉर्म' आहे, जे लाखो जोडलेल्या मीटर्सवर सर्वसमावेशक दृश्यमानता आणि नियंत्रण प्रदान करते. कंपनीकडे या क्षेत्रात पाच वर्षांपेक्षा जास्त अनुभव असून, ती ऊर्जा क्षेत्राच्या बदलत्या गरजांनुसार लवचिक उपाययोजना तयार करत आहे.

या योजनेवर बोलताना 'वी'चे चीफ एंटरप्राइझ बिझनेस ऑफिसर अरविंद नेवातिया म्हणाले, "आम्ही स्मार्ट मीटर ऊर्जा परिसंस्थेतील अग्रणी आहोत. २०१० मध्ये आम्ही पहिल्यांदा स्मार्ट मीटर्सची जोडणी केली आणि IoT लॅबसारख्या नाविन्यपूर्ण गोष्टी सुरू केल्या. आमची हीच बांधिलकी पुढे चालू ठेवत आम्ही संपूर्ण भारतभर १.२ कोटी स्मार्ट मीटर्सची जोडणी करण्याचा उद्देश ठेवला आहे. यामुळे ऊर्जा हानी कमी होईल, कार्यक्षमता वाढेल आणि ग्राहकांचा अनुभव अधिक उंचावेल."