६५ किलोवॅट क्षमतेची सौर प्रणाली कार्यान्वित; पुण्याचे माजी उपमहापौर नीलेश मगर यांच्या हस्ते उद्घाटन
पर्यावरणपूरक आणि निरोगी जीवनशैलीला प्रोत्साहनसोसायटीमध्ये आधुनिक क्रीडा सुविधांचेही उद्घाटन
पुणे, (प्रतिनिधी): पुण्यातील मार्वल दिवा फेज २ सोसायटीने स्वातंत्र्यदिनाच्या निमित्ताने ६५ किलोवॅट क्षमतेची सौर ऊर्जा प्रणाली आणि अत्याधुनिक क्रीडा सुविधेचे उद्घाटन करून एक महत्त्वपूर्ण टप्पा गाठला आहे. या उपक्रमामुळे सोसायटीच्या वीज बिलांवर दरमहा एक लाख रुपयांपेक्षा जास्त बचत होणार आहे.
पुण्याचे माजी उपमहापौर नीलेश मगर यांच्या हस्ते या सौर ऊर्जा प्रकल्पाचे उद्घाटन करण्यात आले. सोसायटीच्या अध्यक्षा वृषाली धुमाळ यांनी सांगितले की, हा प्रकल्प पर्यावरण आणि भावी पिढ्यांसाठी एक दीर्घकालीन गुंतवणूक आहे. या उपक्रमामुळे सोसायटीचा 'कार्बन फूटप्रिंट' कमी होण्यासही मदत होईल.
सोसायटीच्या व्यवस्थापन समितीच्या नेतृत्वाखाली कार्यान्वित झालेल्या या सौर प्रकल्पाने रहिवाशांना मोठा आर्थिक दिलासा दिला आहे. यासह, या नव्याने विकसित केलेल्या क्रीडा सुविधेचे उद्घाटन प्रसिद्ध क्रीडाप्रेमी दशरथ जाधव आणि वरिष्ठ पोलीस निरीक्षक संजय मोगले यांच्या हस्ते करण्यात आले.
या क्रीडा सुविधेत पूर्ण लांबीचे टेनिस आणि बास्केटबॉल कोर्ट, डॅनिश फॉरमॅट फुटबॉल टर्फ आणि प्रीमियम दर्जाचे बॅडमिंटन व पिकल बॉल कोर्ट समाविष्ट आहेत. हा उपक्रम रहिवाशांमध्ये निरोगी जीवनशैलीला प्रोत्साहन देईल आणि भविष्यातील खेळाडूंना घडवण्यासाठी मदत करेल, अशी आशा सोसायटीने व्यक्त केली आहे.
Solar Power
Pune Society
Sustainability
Marvel Diva
Sports Facility
#SolarPower #Pune #Society #Sustainability #SportsFacility #GreenInitiative
कोणत्याही टिप्पण्या नाहीत:
टिप्पणी पोस्ट करा