उरणमध्ये जोरदार वादळी वाऱ्यामुळे घटना
मोरा सागरी पोलीस ठाण्यात मिसिंगची तक्रार दाखलपोलीस आणि सागरी सुरक्षा दलाच्या मदतीने शोधकार्य सुरु
उरण : उरण परिसरात गेल्या ५ ते ६ दिवसांपासून सुरू असलेल्या वादळी वाऱ्यामुळे मोरा बंदरात आश्रयासाठी आलेल्या एका गुजराती मच्छीमार बोटीतील खलाशी बेपत्ता झाला आहे. भरतभाई डालकी (४४) असे या बेपत्ता खलाशाचे नाव आहे.
१९ ऑगस्ट २०२५ रोजी वादळी हवामानाच्या इशाऱ्यानंतर 'भवानी गंगा' ही मच्छीमार बोट मोरा बंदरात थांबली होती. या बोटीवर सात खलाशी होते, त्यापैकी भरतभाई डालकी शौचालयाला गेले होते आणि त्यानंतर ते परतले नाहीत. बराच वेळ शोध घेतल्यानंतरही ते सापडले नाहीत, त्यामुळे मोरा सागरी पोलीस ठाण्यात त्यांची मिसिंगची तक्रार दाखल करण्यात आली आहे.
वरिष्ठ पोलीस निरीक्षक सूर्यकांत कांबळे यांनी या घटनेची माहिती दिली असून, पोलीस आणि सागरी सुरक्षा रक्षक दलाच्या सदस्यांना बेपत्ता खलाशाचा शोध घेण्याच्या सूचना देण्यात आल्या आहेत. रायगड मत्स्यव्यवसाय विभागाचे सहआयुक्त संजय पाटील यांनीही या घटनेची गंभीर दखल घेतली आहे.
या घटनेमुळे समुद्रातील प्रवास व व्यवहार अधिकच धोक्याचे झाल्याचे चित्र दिसत आहे.
Missing Fisherman
Mora Port
Uran
Gujarat Boat
Search Operation
#MissingFisherman #MoraPort #Uran #Maharashtra #SearchOperation
कोणत्याही टिप्पण्या नाहीत:
टिप्पणी पोस्ट करा