मुंबई, दि. ८ जुलै: महाराष्ट्राला २०२५ पर्यंत विकसित राज्याच्या दिशेने नेण्यासाठी राज्य शासनाने १०० दिवसांच्या यशस्वी अंमलबजावणीनंतर आता ०६ मे २०२५ ते ०२ ऑक्टोबर २०२५ या कालावधीत १५० दिवसांचा विशेष कार्यक्रम जाहीर केला आहे. या कार्यक्रमाचा मुख्य उद्देश 'विकसित महाराष्ट्र @२०४७' साठी 'व्हिजन डॉक्युमेंट' तयार करणे हा आहे. या महत्त्वपूर्ण सर्वेक्षणात सर्व नागरिकांनी सक्रिय सहभाग घ्यावा, असे आवाहन उपमुख्यमंत्री अजित पवार यांनी आज विधानसभेत निवेदनाद्वारे केले.
अजित पवार यांनी विधानसभा सदस्यांना, विभागीय आयुक्त, जिल्हाधिकारी आणि जिल्हा परिषदेच्या मुख्य कार्यकारी अधिकाऱ्यांना 'विकसित महाराष्ट्र-२०४७' नागरिक सर्वेक्षणात नागरिकांना सहभागी होण्यासाठी प्रोत्साहन देण्याचे निर्देश दिले.
व्हिजन डॉक्युमेंटची रूपरेषा:
'विकसित महाराष्ट्र २०४७' चे 'व्हिजन डॉक्युमेंट' तयार करण्यासाठी राज्य शासनाने दीर्घकालीन उद्दिष्टे (महाराष्ट्र @ २०४७), मध्यमकालीन उद्दिष्टे (महाराष्ट्र @ ७५) आणि अल्पकालीन उद्दिष्टे निश्चित केली आहेत. या व्हिजन डॉक्युमेंटचा मसुदा तयार करण्यासाठी विविध क्षेत्रांनुसार १६ विशेष गट स्थापन करण्यात आले आहेत. राज्याच्या संतुलित प्रादेशिक विकासाला चालना देण्यासाठी प्रगतीशील, शाश्वत, सर्वसमावेशक आणि सुशासन असे चार प्रमुख आधारस्तंभ निश्चित करण्यात आले आहेत.
नागरिकांचे मत महत्त्वाचे:
'विकसित महाराष्ट्र-२०४७' च्या व्हिजनमध्ये नागरिकांचे मत, त्यांच्या अपेक्षा, आकांक्षा आणि प्राधान्यक्रम जाणून घेणे अत्यंत महत्त्वाचे आहे. यासाठी १८ जून, २०२५ ते १७ जुलै, २०२५ या कालावधीत राज्यव्यापी नागरिक सर्वेक्षण घेण्यात येत आहे.
अजित पवारांचे नागरिकांना आवाहन:
उपमुख्यमंत्री अजित पवार यांनी विधानसभेतील सर्व सदस्यांना आवाहन केले की, त्यांनी आपल्या समाजमाध्यमांद्वारे, मेळाव्यांमध्ये आणि बैठकांमध्ये 'विकसित महाराष्ट्र - २०४७' च्या नागरिक सर्वेक्षणात सर्व नागरिकांना सहभागी होण्याचे आवाहन करावे. तसेच, सर्व विभागीय आयुक्त, जिल्हाधिकारी, मुख्य कार्यकारी अधिकारी आणि इतर शासकीय आस्थापनांनी नागरिकांना सर्वेक्षणात भाग घेण्यासाठी प्रोत्साहित करावे.
नागरिक महाराष्ट्र शासनाच्या संकेतस्थळावर उपलब्ध असलेल्या क्यूआर कोड (QR Code) किंवा लिंकद्वारे सर्वेक्षणात सहभागी होऊ शकतात. याशिवाय, संकेतस्थळावर दिलेल्या क्यूआर कोडवरून व्हॉट्सॲप चॅटबॉटद्वारेही (WhatsApp Chatbot) 'विकसित महाराष्ट्र २०४७' बद्दल आपली संकल्पना आणि आकांक्षांचा प्रतिसाद देता येईल, असेही उपमुख्यमंत्री अजित पवार यांनी नमूद केले.
Maharashtra Development, Citizen Survey, Government Initiative, Ajit Pawar, Vision Document, State Progress, Public Participation
#VikasitMaharashtra2047 #MaharashtraDevelopment #AjitPawar #CitizenSurvey #VisionMaharashtra #StateProgress #PublicParticipation #MaharashtraGovernment #FutureMaharashtra
Reviewed by ANN news network
on
७/०८/२०२५ ०२:३८:०० PM
Rating:
कोणत्याही टिप्पण्‍या नाहीत: