मुंबई, ०४ जुलै २०२५: आषाढी एकादशी यात्रेनिमित्त दिनांक ०६ जुलै २०२५ रोजी वडाळ्यातील विठ्ठल मंदिर (प्रति पंढरपूर) येथे भाविकांची मोठ्या प्रमाणात गर्दी होण्याची शक्यता आहे. यामुळे वाहतूक कोंडी टाळण्यासाठी आणि वाहतूक व्यवस्थापन सुरळीत ठेवण्यासाठी मुंबई वाहतूक पोलिसांनी तात्पुरते वाहतूक बदल जाहीर केले आहेत. हे बदल दिनांक ०५ जुलै २०२५ रोजी सायंकाळी १८.०० वाजल्यापासून ते दिनांक ०७ जुलै २०२५ रोजी सकाळी ०८.०० वाजेपर्यंत प्रभावी राहतील.
प्रदीप चव्हाण, पोलीस उप आयुक्त, पूर्व उपनगरे, वाहतूक (अतिरिक्त कार्यभार मुख्यालय व मध्य विभाग, वाहतूक), मुंबई यांनी मोटार वाहन अधिनियम १९८८ च्या कलम ११५ अंतर्गत हे आदेश काढले आहेत.
वाहतूक नियम आणि बदल:
नो एन्ट्री मार्ग:
दादर टी.टी. ते टिळक रोड आणि कात्रक रोड जंक्शन.
मानसेरजी जोशी रोड आणि जाम-ए-जमशेदजी रोड तसेच त्यांचे जंक्शन ते फाईव्ह गार्डन आणि टिळक रोड जंक्शन (उत्तर ते दक्षिण).
कात्रक रोड ते डेव्हिड बॅरेटो सर्कल आणि जी.डी. आंबेकर मार्ग व टिळक रोड जंक्शन (उत्तर ते दक्षिण).
सरफरे चौक, म्हणजेच जी.डी. आंबेकर मार्ग आणि नायगाव क्रॉस रोड (एम.एम.जी.एस. मार्ग) येथून कात्रक रोडकडे येणारी जी.डी. आंबेकर मार्गावरील वाहतूक.
सहकार नगर गल्लीपासून कात्रक रोडपर्यंतचा टिळक रोड विस्तार (पूर्व ते पश्चिम).
पारसी कॉलनी रोड क्र. १३ व रोड क्र. १४ आणि लेडी जहांगीर रोड व कात्रक रोड जंक्शन.
दिनशॉ रोड आणि मानसेरजी जोशी मार्ग व कात्रक रोड जंक्शन.
पर्यायी मार्ग:
दादर टी.टी. ते टिळक रोड येथील वाहतूक डॉ. बी.ए. रोड (रुईया जंक्शनमार्गे उत्तरेकडे) वळवली जाईल.
या बदलांमुळे भाविकांना आणि सामान्य नागरिकांना गैरसोय टाळण्यास मदत होईल, अशी अपेक्षा आहे. नागरिकांनी वाहतूक पोलिसांना सहकार्य करावे, असे आवाहन करण्यात आले आहे.
Mumbai Traffic Police, Ashadhi Ekadashi, Vitthal Mandir, Wadala, Traffic Diversion, Festival, Road Closure
#MumbaiTraffic #AshadhiEkadashi #Wadala #TrafficAlert #Mumbai #FestivalTraffic #RoadClosure
Reviewed by ANN news network
on
७/०५/२०२५ ०९:५२:०० PM
Rating:
कोणत्याही टिप्पण्‍या नाहीत: