इराणच्या अण्वस्त्र निर्मिती स्थळांवरील हल्ल्याबद्दल इस्रायलचे पंतप्रधान नेतान्याहूंकडून ट्रम्प यांचे आभार (VIDEO)

 

जेरुसलेम, २२ जून २०२५: इराणच्या अण्वस्त्र निर्मिती स्थळांवर अमेरिकेने केलेल्या हल्ल्यानंतर इस्रायलचे पंतप्रधान बेंजामिन नेतान्याहू यांनी अमेरिकेचे अध्यक्ष डोनाल्ड ट्रम्प यांचे आभार मानले आहेत. सामर्थ्याच्या माध्यमातूनच शांतता निर्माण होते, अशी प्रतिक्रिया नेतान्याहू यांनी या हल्ल्यानंतर दिली. 

नेतान्याहू म्हणाले की, ऑपरेशन रायझिंग लायनच्या माध्यमातून इस्रायलने आश्चर्यकारक गोष्टी केल्या असल्या तरी, इराणच्या अण्वस्त्र निर्मितीविरुद्धच्या कारवाईत, अमेरिका खरोखरच अतुलनीय ठरली आहे. "पृथ्वीवरील इतर कोणताही देश करू शकला नाही अशी कारवाई त्यांनी केली आहे," असे सांगत त्यांनी अमेरिकी सैन्याचे कौतुक केले.   

अमेरिकेचे राष्ट्राध्यक्ष डोनाल्ड ट्रम्प यांनी जगातील सर्वात धोकादायक राजवटीला, जगातील सर्वात धोकादायक अण्वस्त्र तयार करण्यापासून रोखण्याचं काम केलं असून, याची इतिहासात नोंद होईल, असे नेतन्याहू यांनी म्हटले आहे. "आज ट्रम्प त्यांच्या नेतृत्वानं एक वेगळा अध्याय सुरु केला आहे, हे पश्चिम आशिया आणि त्यापलीकडे समृद्धी आणि शांततेकडे नेण्यासाठी मदत करू शकते," असा विश्वास नेतान्याहू यांनी व्यक्त केला आहे.   

Israel, Prime Minister Benjamin Netanyahu, United States, President Donald Trump, Iran, Nuclear Sites, Attack, Operation Rising Lion, Middle East Peace, Diplomacy, Military Action, World Affairs.

 #Israel #Netanyahu #DonaldTrump #Iran #NuclearAttack #MiddleEast #Geopolitics #PeaceThroughStrength #WorldPolitics