मुंबई - बृहन्मुंबई पोलीस आयुक्तालयाने आपल्या कार्यक्षेत्रात पुढील ३० दिवसांसाठी ड्रोन, रिमोट कंट्रोल्ड मायक्रो-लाइट एअरक्राफ्ट, पॅराग्लायडर्स, पॅरा मोटर्स, हॅण्ड ग्लायडर्स आणि हॉट एअर बलून यांच्या उड्डाणांवर बंदी घातली आहे.
पोलीस उप आयुक्त (अभियान) आणि कार्यकारी दंडाधिकारी अकबर पठाण यांनी भारतीय नागरिक सुरक्षा संहिता २०२३ च्या कलम १६३ अंतर्गत हे आदेश दिले आहेत. हे आदेश ५ जून २०२५ रोजी सकाळी १२.०१ वाजल्यापासून ४ जुलै २०२५ रोजी रात्री १२.०० वाजेपर्यंत लागू राहतील.
दहशतवादी किंवा राष्ट्रविरोधी घटक या हवाई उपकरणांचा वापर करून व्हीव्हीआयपींना लक्ष्य करू शकतात, सार्वजनिक जीवीत धोका निर्माण करू शकतात आणि कायदा व सुव्यवस्था बिघडवू शकतात, या कारणास्तव हा निर्णय घेण्यात आला आहे.
मुंबई पोलिसांकडून हवाई पाळत ठेवणे किंवा पोलीस उप आयुक्त (अभियान) यांच्या लेखी परवानगीने करण्यात येणाऱ्या कारवायांना या आदेशातून वगळण्यात आले आहे. या आदेशाचे उल्लंघन करणाऱ्यांना भारतीय न्याय संहिता २०२३ च्या कलम २२३ अन्वये शिक्षा होईल.
------------------------------------------------------------------------------------------------------------
#MumbaiPolice #CrimeNews #CyberCrime #DigitalArrest #PonziScheme #TheftArrest #SecurityAlert #LawEnforcement #FraudPrevention #PoliceAction #Maharashtra #ThanePolice #Investigation #CrimeBusters #PublicSafety
Reviewed by ANN news network
on
६/०६/२०२५ ०३:१४:०० PM
Rating:
कोणत्याही टिप्पण्या नाहीत: